Endurskipað í embætti framkvæmdastjóra LÍN

Hrafnhildur Ásta Þorvaldsdóttir hefur verið endurskipuð í embætti framkvæmdastjóra Lánasjóðs íslenskra námsmanna. Nú stendur yfir endurskoðun á lögum um Lánasjóð íslenskra námsmanna en verkefnastjórn, sem Gunnar Ólafur Haraldsson hagfræðingur veitir forstöðu, hefur það hlutverk að skoða íslenska námslánakerfið í heild sinni og gera tillögur að umbótum þess og þróun. Búast má við upplýsingum um fyrstu áform verkefnastjórnarinnar nú í sumar.

Lánþegar Lánasjóðs íslenskra námsmanna eru um 7.000 talsins en meginhlutverk sjóðsins er að tryggja þeim sem falla undir lög hans tækifæri til náms án tillits til efnahags.