Stjórnarráð Íslands á Framadögum

Stjórnarráð Íslands tekur nú í annað sinn þátt í Framadögum sem haldnir eru í Háskólanum í Reykjavík í dag.

Meginmarkmið Framadaga er að gefa háskólanemum tækifæri á að kynna sér starfsmöguleika hjá ýmsum fyrirtækjum og stofnunum, ásamt því að fyrirtæki og stofnanir ná að vekja á sér athygli og þeim möguleikum sem þau hafa upp á að bjóða fyrir ungt fólk.
Hugmyndin á bak við kynningarbás Stjórnarráðsins er m.a. að sýna hve nátengd störf starfsfólks þar eru ákvörðunum valdhafa á hverjum tíma, með fyrirsögninni Komdu við sögu.
Starfsmenn Stjórnarráðsins eru við kynningarbásinn og spjalla við nemendur um fjölbreytt störf hjá ráðuneytunum.

Framadagar eru haldnir á hverju ári og eru á vegum ungmennasamtakanna AIESEC og skipulagðir af nemendum úr háskólum landsins.

Nánar um Framadaga