Orkusjóður auglýsir styrki til uppbyggingar á hleðslustöðvum fyrir rafbíla

Nýlega var tilkynnt um ráðstöfun 450 milljóna króna vegna orkuskipta í samgöngum á árunum 2019-2020 en samkvæmt fjármálaáætlun er áætlað að verja 1,5 milljarði króna til orkuskipta á fimm ára tímabili.

Á þessu ári verður úthlutað 250 milljónum króna í tvenns konar styrki.

•       Orkusjóður auglýsir styrki til uppbyggingar á hraðhleðslustöðvum fyrir rafbíla.
•       Orkusjóður auglýsir styrki til uppbyggingar á hleðslustöðvum fyrir rafbíla við gististaði.

Umsóknarfrestur um báðar tegundir styrkjanna er til 15. ágúst 2019.

Nánari upplýsingar veitir Jakob Björnsson á Akureyrarsetri Orkustofnunar;   [email protected]   /  569 6083