Katrín ræddi við Morrison

Katrín Jakobsdóttir, forsætisráðherra, átti símafund með Scott Morrison, forsætisráðherra Ástralíu, í gær. Þau ræddu framboð Ástralíu til stöðu framkvæmdastjóra OECD, áherslur stofnunarinnar m.a. í tengslum við uppbyggingu eftir COVID, mikilvægi alþjóðasamstarfs og voru sammála um að standa vörð um það. Þau töluðu jafnframt um gott samstarf Íslands og Ástralíu á alþjóðavettvangi, tvíhliða samstarf landanna og möguleika þess að auka það. Fundurinn, sem var að frumkvæði Morrison, stóð í um 20 mínútur og var þetta í fyrsta sinn sem þau ræða saman.