Fréttir

5000 færri hús umsagnarskyld

Umsagnarskylda Minjastofnunar Íslands vegna framkvæmda mun taka til umtalsvert færri húsa og mannvirkja ef áform ráðherra um breytingar á lögum um menningarminjar ná fram að ganga.

Kraftmikil uppbygging samgönguinnviða er fjárfesting í framtíð landsins

Eyjólfur Ármannsson, samgöngu- og sveitarstjórnarráðherra, flutti opnunarávarp á Útboðsþingi Samtaka iðnaðarins á Grand hótel í gær.

Velheppnað málþing um fyrstu þrjú ár innleiðingar farsældarlaganna - upptaka

Farsæld til framtíðar - málþing um fyrstu þrjú ár innleiðingar farsældarlaganna fór fram á Grandhótel mánudaginn 27. janúar síðastliðinn. Um 160 boðsgestir mættu í sal og um 700 fylgdust með á streymi.

Kvískerjasjóður auglýsir eftir umsóknum um styrki

Kvískerjasjóður auglýsir eftir umsóknum um styrki til rannsókna á náttúru og sögu, þ.m.t. menningarminjum, í Austur-Skaftafellssýslu fyrir árið 2025.

Norrænt varnarsamstarf stendur styrkari fótum en nokkru sinni fyrr

Varnarmálaráðherrar Norðurlandanna funduðu í dag í Helsinki þar sem Finnland gegnir formennsku í norræna varnarsamstarfinu (NORDEFCO) í ár.

Samantekt um hagræðingartillögur almennings​

Samantekt um tillögur, hugmyndir og sjónarmið sem bárust í verkefninu Verum hagsýn í rekstri ríkisins hefur verið birt í samráðsgátt. Alls bárust 3.985 umsagnir sem er metfjöldi og um 0,7% þjóðarinnar tók þátt í samráðinu.

Guðmann Ólafsson skipaður skrifstofustjóri fjármála

Alma D. Möller heilbrigðisráðherra hefur ákveðið að skipa Guðmann Ólafsson skrifstofustjóra á skrifstofu fjármála í heilbrigðisráðuneytinu. Ákvörðun ráðherra er í samræmi við mat ráðgefandi nefndar sem skipuð var til að meta hæfni umsækjenda, líkt og kveðið er á um í lögum um Stjórnarráð Íslands.

Heimsókn mennta- og barnamálaráðherra í Árborg

Ásthildur Lóa Þórsdóttir, mennta- og barnamálaráðherra, fór í heimsókn til Árborgar í gær. Tilgangurinn var að kynna sér skóla- og frístundastarf í sveitarfélaginu.

Námskeið til undirbúnings prófi til að öðlast réttindi til að vera héraðsdómslögmaður

Stefnt er að því að kennsla á fyrri hluta fari fram dagana 17. til 28. febrúar 2025. Jafnframt er stefnt að því að próf í fyrri hluta námskeiðsins verði haldin á tímabilinu 6. til 21. mars 2025.

Verkefnisstjórn rammaáætlunar fengin til að endurmeta virkjanakosti

Jóhann Páll Jóhannsson, umhverfis-, orku og loftslagsráðherra, hefur farið þess á leit við verkefnisstjórn rammaáætlunar að taka tiltekna virkjunarkosti aftur til mats í samræmi við ákvæði laganna um verndar- og orkunýtingaráætlun svo verndarsvæði þeirra verða afmörkuð með þeim hætti sem lög gera ráð fyrir.

Sóknaráætlanir landshluta efla byggðaþróun og færa heimafólki aukna ábyrgð

Sóknaráætlanasamningar við átta landshlutasamtök sveitarfélaga til fimm ára voru undirritaðir í dag.

Samráðsþing um landsáætlun: Eitt lífshlaup, ótal tengingar

Eitt lífshlaup, ótal tengingar er yfirskrift opins samráðsþings um landsáætlun um innleiðingu samnings Sameinuðu þjóðanna um réttindi fatlaðs fólks. Þingið verður haldið þann 20. febrúar 2025 kl. 13:00-16:00 á Hótel Natura í Reykjavík. Þetta er þriðja samráðsþingið sem fram fer í tengslum við landsáætlunina.

Tillögur að uppbyggingu á fæðingarstað Jónasar Hallgrímssonar

Verkefnisstjórn, sem skipuð var í nóvember 2023, hefur skilað af sér tillögum um uppbyggingu að Hrauni í Öxnadal, fæðingarstað Jónasar Hallgrímssonar. Tillögurnar ganga út á metnaðarfulla uppbyggingu á staðnum þar sem aðgengi að fólkvangi og náttúru staðarins er tryggt og gert ráð fyrir nýstárlegri menningarmiðlun, m.a. um framlag Jónasar til íslenskrar menningar.

Utanríkisráðherra fundar með ráðamönnum í Póllandi

Staða alþjóðamála, aukið Evrópusamstarf á sviði öryggis- og varnarmála, mikilvægi innri markaðarins, og góð tvíhliða samskipti voru helstu umræðuefnin á fundum Þorgerðar Katrínar Gunnarsdóttur utanríkisráðherra með Radoslaw Sikorski, utanríkisráðherra Póllands, og Ignacy Niemczycki, aðstoðarráðherra Evrópumála í forsætisráðuneyti Póllands, sem fram fóru í Varsjá í dag.

Vilhjálmur Hilmarsson nýr formaður stjórnar Loftslags- og orkusjóðs

Vilhjálmur Hilmarsson hefur verið skipaður formaður stjórnar Loftslags- og orkusjóðs. ​Vilhjálmur tekur við stöðu stjórnarformanns af Haraldi Benediktssyni, sem lætur af störfum að eigin ósk.

Skýrsla Eurydice um gæði leikskólastigsins í Evrópu

Út er komin skýrsla á vegum Eurydice-samstarfsins um gæði leikskólastigsins í Evrópu (e. Key Data on Early Childhood Education and Care in Europe – 2025). Skýrslan var síðast gefin út árið 2019 og veitir samanburðarhæfar upplýsingar um stöðu og helstu einkenni leikskólastigsins í 37 evrópskum þátttökuríkjum.

Íslenskir sérfræðingar taka þátt í vinnustofu um konur, frið og öryggi í Síerra Leóne

Sendiráð Íslands í Síerra Leóne styrkti þrjá íslenska sérfræðinga til þátttöku í vinnustofu um konur, frið og öryggi í tengslum við málefni hafsins sem haldin var í Síerra Leóne dagana 14. og 15. janúar síðastliðinn.

Utanríkisráðherra tók þátt í minningarathöfn í Auschwitz

Þorgerður Katrín Gunnarsdóttir utanríkisráðherra var fulltrúi ríkisstjórnar Íslands á minningarathöfn sem haldin var í Auschwitz í dag. Þar var minnst þeirra sex milljóna gyðinga sem myrtar voru í helförinni og annarra fórnarlamba grimmilegra ofsókna nasista.…

Helfararinnar verði minnst árlega á Íslandi

Í dag, 27. janúar, er alþjóðlegur minningardagur um helförina og í ár er þess minnst víða um heim að 80 ár eru liðin frá frelsun gyðinga úr fangabúðunum í Auschwitz.

Unnið að skilgreiningu á hlutverki SAk sem varasjúkrahúss

Alma D. Möller heilbrigðisráðherra hefur falið starfshópi að skilgreina hvaða kröfur Sjúkrahúsið á Akureyri (SAk) þurfi að uppfylla til að geta sinnt lögbundnu hlutverki sínu sem varasjúkrahús Landspítala (LSH). Í lögum um heilbrigðisþjónustu er kveðið á um að SAk sé varasjúkrahús LSH en hvergi er skilgreint hvað felist í því hlutverki. „Þetta þarf að vera skýrt ef á reynir, þ.e.…

Fríverslunarsamningar undirritaðir við Taíland og Kósovó

Undirritun fríverslunarsamninga EFTA-ríkjanna við Taíland og Kósovó fór fram í Davos í Sviss, dagana 22. og 23. janúar. Martin Eyjólfsson, ráðuneytisstjóri utanríkisráðuneytisins, undirritaði samningana fyrir Íslands hönd.

Utanríkisráðherra fundaði með utanríkisráðherra Króatíu

Þorgerður Katrín Gunnarsdóttir utanríkisráðherra fundaði í dag með Gordan Grlić-Radman utanríkisráðherra Króatíu í Zagreb. Þorgerður Katrín er sem kunnugt er stödd á eigin vegum í Króatíu til að styðja íslenska karlalandsliðið í handbolta á heimsmeistaramótinu sem nú stendur yfir.

Heilbrigðisráðherra fundar með heilbrigðisráðherra Póllands

Alma D. Möller heilbrigðisráðherra fundaði í liðinni viku með Izabela Leszczyna heilbrigðisráðherra Póllands í Varsjá. Fundurinn var haldinn í tengslum við ráðstefnuna „Together for the Health of Europe – Strategic Directions and Actions of the Public Health Sector,“ sem markaði upphaf formennskutímabils Póllands í ráðherraráði Evrópusambandsins.

ESB reglugerð um endurheimt náttúrunnar í samráðsgátt sambandsins

Umhverfis-, orku- og loftslagsráðuneytið vekur athygli á að framkvæmdastjórn ESB óskar eftir ábendingum um framkvæmdareglugerð um fyrirmæli um beitingu reglugerðar (EU) 2024/1991 um endurheimt náttúrunnar og hlutaðeigandi viðauka.

Anna Rut, Anna Sigrún og Sveinbjörn ráðin aðstoðarmenn ríkisstjórnarinnar

Anna Rut Kristjánsdóttir, Anna Sigrún Baldursdóttir og Sveinbjörn Finnsson hafa verið ráðin aðstoðarmenn ríkisstjórnarinnar.

Forsætisráðherra skipar hagræðingarhóp

Kristrún Frostadóttir forsætisráðherra hefur skipað fjögurra manna starfshóp sem á að skila tillögum um hagræðingu í ríkisrekstri þann 28. febrúar.…

Bjargráðasjóður hefur greitt út 80% af styrkjum vegna kaltjóna

Um 225 milljónir króna hafa nú verið greiddar í styrki vegna kaltjóna út til 89 umsækjenda úr Bjargráðasjóði eða því sem nemur 80% af væntanlegum styrk. Um er að ræða kaltjón á Norðurlandi veturinn 2023-2024.

Verkefni Veðurstofunnar í brennidepli

Jóhann Páll Jóhannsson, umhverfis-, orku- og loftslagsráðherra, fundaði í dag með stjórnendum og sérfræðingum Veðurstofu Íslands.

Úthlutun byggðakvóta á fiskveiðiárinu 2024-2025

Almennum byggðakvóta er úthlutað til 42 byggðarlaga í 25 sveitarfélögum á fiskveiðiárinu 2024-2025. Atvinnuvegaráðherra er heimilt að ráðstafa aflamagni í óslægðum botnfiski til að styðja byggðarlög í alvarlegum og bráðum vanda vegna samdráttar í sjávarútvegi og mæta áföllum sem fyrirsjáanleg eru vegna verulegra breytinga á aflamarki einstaka tegunda.…

Matvælasjóður opnar fyrir umsóknir 1. febrúar

Matvælasjóður opnar fyrir umsóknir 1. febrúar 2025 vegna sjöttu úthlutunar sjóðsins, hægt verður að sækja um til miðnættis 28. febrúar 2025.

Vegna umfjöllunar um dóm Héraðsdóms Reykjavíkur í máli nr. E-2457/2024 og minnisblöð frá Umhverfisstofnun

Jóhann Páll Jóhannsson, umhverfis-, orku- og loftslagsráðherra hefur sett af stað vinnu við gerð lagafrumvarps um breytingu á lögum í ljósi dóms héraðsdóms Reykjavíkur um virkjunarleyfi Hvammsvirkjunar og heimild Umhverfisstofnunar til breytinga á vatnshlotinu Þjórsá, dags. 15. janúar 2025.

Sviðslistasjóður styrkir fjölbreytt verkefni um rúmlega 155 milljónir

Sviðslistaráð úthlutar í ár 98 milljónum króna til 12 atvinnusviðslistahópa og fylgja þeim 102 mánuðir úr launasjóði sviðslistafólks. 98 mánuðum var úthlutað til einstaklinga í úthlutun listamannalauna. Alls nemur stuðningur til sviðslistahópa og sviðslistafólks rúmlega 155 milljónum króna.

Kynbundinn launamunur minnkar samkvæmt nýrri rannsókn

Kynbundinn launamunur hefur dregist saman á árabilinu 2019 – 2023 hvort heldur litið er til atvinnutekna, leiðrétts eða óleiðrétts launamunar. Þetta kemur fram í nýrri rannsókn Hagstofu Íslands á launamun karla og kvenna. Jafnréttismál munu flytjast til dómsmálaráðuneytisins þann 1. mars frá félags- og vinnumarkaðsráðuneytinu en dómsmálaráðherra hefur þegar tekið við forræði málaflokksins.

Viðburðaríkt ár í matvælaráðuneyti

Árið 2024 var viðburðaríkt í matvælaráðuneytinu og einkenndist af mikilsverðum áföngum á málefnasviðum ráðuneytisins ásamt tíðum ráðherraskiptum. Af þeim 127 fréttum sem birtar voru á árinu er hér að finna yfirlit yfir þær helstu auk myndrænnar samantektar.

Netöryggisstyrkur Eyvarar: Opið fyrir umsóknir

Opnað hefur verið fyrir umsóknir í aðra úthlutun netöryggisstyrks Eyvarar. Eyvör er hæfnisetur fræðslu, menntunar og rannsókna á netöryggi og er markmið samstarfsins að efla netöryggisgetu á landsvísu, styðja við íslenskt netöryggissamfélag og tryggja öflugt Evrópusamstarf á sviði netöryggismála.

Ráðherra viðstaddur opnun farsóttareiningar á Landspítala

Farsóttareiningin varð til með flutningi göngudeildar smitsjúkdóma og bráðadagdeild lyflækninga undir sama þak í Fossvogi en deildirnar voru áður á sitthvorum staðnum á spítalanum.

Ráðherra heimsótti Sjúkratryggingar Íslands

Alma D. Möller heilbrigðisráðherra heimsótti í vikunni Sjúkratryggingar Íslands, kynnti sér starfsemina og ræddi við starfsfólk.

Halla Jónsdóttir aðstoðar menningar-, nýsköpunar- og háskólaráðherra

Logi Einarsson, menningar-, nýsköpunar- og háskólaráðherra, hefur ráðið Höllu Jónsdóttur sem aðstoðarmann sinn.

Aukið samstarf til að efla öryggi neðansjávarinnviða

Ísland, Bandaríkin, Norðurlöndin og Eystrasaltsríkin hafa ákveðið að hrinda í framkvæmd fjórum tillögum til að auka öryggi neðansjávarinnviða. Í sameiginlegri niðurstöðu ríkjanna eru eftirfarandi atriði dregin fram:

Mikil upplifun á HM í handbolta

Ásthildur Lóa Þórsdóttir, nýr ráðherra mennta-, barna- og íþróttamála, fylgdist með fyrstu tveimur leikjum Íslands á HM karla í handbolta. Riðill Íslands fer fram í Zagreb í Króatíu.

Málþing UNESCO um menningar- og listmenntun

Mennta- og barnamálaráðuneytið og menningar- og viðskiptaráðuneytið vekja athygli á málþingi UNESCO um menningar- og listmenntun sem haldið er fimmtudaginn 23. janúar 2025 kl. 13.00-16.00 í Hátíðarsal Háskóla Íslands.

Óli Örn ráðinn aðstoðarmaður atvinnuvegaráðherra

Hanna Katrín Friðriksson matvælaráðherra hefur ráðið Óla Örn Eiríksson sem aðstoðarmann.

Ferðaþjónustuvika 2025: Innsæi heimamanna er dýrmæt auðlind ​

Árlegri Ferðaþjónustuviku lauk á fimmtudaginn en markmið hennar er að efla samstarf og fagmennsku í stærstu útflutningsgrein landsins. Atvinnuvegaráðherra Hanna Katrín Friðriksson segir það ómetanlegt að fá svo kröftuga kynningu í fangið á fyrstu dögum sínum sem ráðherra ferðamála.

Samgöngusáttmálinn: Ráðherra tók fyrstu skóflustungu að nýrri Fossvogsbrú

Eyjólfur Ármannsson, samgöngu- og sveitarstjórnarráðherra, tók í dag fyrstu skóflustungu að Fossvogsbrú.

Skipan ráðherranefnda samþykkt í ríkisstjórn

Ríkisstjórnin samþykkti á fundi sínum í dag tillögu Kristrúnar Frostadóttur forsætisráðherra um skipan ráðherranefnda. Alls verða sjö ráðherranefndir starfandi.

Listi yfir forstöðumenn 1. febrúar 2025

Listi yfir forstöðumenn skv. 2. mgr. 22. gr. laga um réttindi og skyldur starfsmanna ríkisins nr. 70/1996 með síðari breytingum.

Sænsk-íslenski samstarfssjóðurinn auglýsir eftir umsóknum til ferðastyrkja

Sænsk-íslenski samstarfssjóðurinn auglýsir nú eftir umsóknum til ferðastyrkja til að styðja íslenska þátttakendur í sænsk-íslenskum samstarfsverkefnum. Sænsk-íslenski samstarfssjóðurinn var stofnaður 1995 í kjölfar gjafar Svía til Íslendinga á 50 ára afmæli íslenska lýðveldisins 1994.…

Ætlar að fjölga lögreglumönnum um 50 á þessu ári

Þorbjörg Sigríður Gunnlaugsdóttir dómsmálaráðherra mætti á fund lögregluráðs fimmtudaginn 16. janúar, ávarpaði þar lögreglustjóra og átti við þá samtal. Þetta var jafnframt fyrsti fundurinn sem dómsmálaráðherra átti með öðrum en starfsfólki ráðuneytisins. Á fundi lögregluráðs tilkynnti dómsmálaráðherra lögreglustjórum áform sín um að fjölga lögreglumönnum um fimmtíu þegar á þessu ári.…

Reglulegur samráðsfundur um tvíhliða samskipti Íslands og Grænlands

Fundur háttsettra embættismanna Íslands og Grænlands fór fram í Reykjavík á miðvikudag þar sem farið var yfir tvíhliða samstarf landanna. Fundurinn er liður í reglulegu samráði landanna á grundvelli samstarfsyfirlýsingar sem forsætisráðherra Íslands og formaður landsstjórnar Grænlands undirrituðu í Reykjavík 13. október 2022 um aukið samstarf.…

Bréf ráðherra til forstöðumanna um hagræðingu

Kristrún Frostadóttir forsætisráðherra og Daði Már Kristófersson, fjármála- og efnahagsráðherra, hafa ritað forstöðumönnum hjá ríkinu bréf þar sem óskað er eftir hugmyndum og sjónarmiðum um hvernig megi hagræða í rekstri ríkisins.

Utanríkisráðherra fundar með framkvæmdastjóra Atlantshafsbandalagsins

Stuðningur við Úkraínu og varnarviðbúnaður Atlantshafsbandalagsins voru efst á baugi á fundi Þorgerðar Katrínar Gunnarsdóttur utanríkisráðherra með Mark Rutte, framkvæmdastjóra Atlantshafsbandalagsins, í höfuðstöðvum bandalagsins í dag.

Hrönn skipuð forstjóri Nýsköpunarsjóðsins Kríu

Menningar-, nýsköpunar- og háskólaráðherra, hefur skipað Hrönn Greipsdóttur í starf forstjóra Nýsköpunarsjóðsins Kríu.

Fréttaannáll dómsmálaráðuneytisins árið 2024

Á árinu 2024 birtust um 100 fréttir á vef dómsmálaráðuneytisins af vettvangi hinna fjölmörgu málaflokka sem eru á verkefnasviði ráðuneytisins. Í þessari frétt er birtur myndrænn annáll af helstu fréttum ársins.

Utanríkisráðherra fundar með ráðamönnum í Brussel

Þorgerður Katrín Gunnarsdóttir utanríkisráðherra fundaði í dag með Maros Šefčovič, framkvæmdastjóra hjá Evrópusambandinu sem er ábyrgur fyrir utanríkisviðskiptum og samskiptum við Ísland, og Kaja Kallas, utanríkismálastjóra Evrópusambandsins.

Þórarinn G. Pétursson skipaður í embætti varaseðlabankastjóra peningastefnu

Kristrún Frostadóttir forsætisráðherra hefur skipað Þórarin G. Pétursson í embætti varaseðlabankastjóra peningastefnu til fimm ára frá og með deginum í dag.

Jens Stoltenberg falið að gera tillögur um að efla öryggis- og varnarsamstarf NB8-ríkjanna

Ríkisstjórnaroddvitar Norðurlandanna og Eystrasaltsríkjanna (NB8) fólu fyrr í dag Jens Stoltenberg, fyrrum framkvæmdastjóra Atlantshafsbandalagsins, að vinna að sjálfstæðri skýrslu og tillögum sem miða að því að efla samstarf Norðurlandanna og Eystrasaltsríkjanna á sviði öryggis- og varnarmála.

Jóna Þórey Pétursdóttir aðstoðar umhverfis-, orku- og loftslagsráðherra

Jóna Þórey Pétursdóttir hefur verið ráðin aðstoðarmaður Jóhanns Páls Jóhannssonar, umhverfis-, orku- og loftslagsráðherra.

Óska samráðs um landsskýrslu um innleiðingu Árósarsamningsins

Umhverfis- orku- og loftslagsráðuneytið er með í undirbúningi uppfærslu á fjórðu skýrslu Íslands um innleiðingu Árósarsamningsins.

Heilbrigðisráðherra heimsótti Lyfjastofnun

Alma D. Möller heilbrigðisráðherra heimsótti Lyfjastofnun í liðinni viku, fundaði með framkvæmdaráði stofnunarinnar og kynnti sér starfsemina. Lyfjastofnun starfar á grundvelli lyfjalaga sem hafa það meginmarkmið að tryggja landsmönnum nægilegt framboð af nauðsynlegum lyfjum með öryggi sjúklinga að leiðarljósi.

Jón Magnús og Guðríður Lára aðstoðarmenn heilbrigðisráðherra

Alma D. Möller heilbrigðisráðherra hefur ráðið sem aðstoðarmenn sína Jón Magnús Kristjánsson lækni og Guðríði Láru Þrastardóttur lögfræðing.

Stuðningur við varnarbaráttu Úkraínu áréttaður

Varnarmálaráðherrar ríkja sem styðja varnarbaráttu Úkraínu (Ukraine Defence Contact Group) funduðu í gær um stöðuna á vígvellinum og stuðning ríkjanna við baráttu íbúa Úkraínu gegn innrásarstríði Rússlands. Þorgerður Katrín Gunnarsdóttir utanríkisráðherra sótti fundinn í beinu framhaldi af heimsókn sinni til Kænugarðs þar sem hún ræddi við ráðamenn og kynnti sér afleiðingar stríðsins.

Rekstrarstyrkir auglýstir til umsóknar

Umhverfis-, orku- og loftslagsráðuneytið hefur opnað fyrir umsóknir um styrki til rekstrar félagasamtaka sem starfa á sviði umhverfismála. Umsóknarfrestur vegna styrkjanna er til og með 10. febrúar 2025.

Skýrsla um stöðu Listasafn Íslands rædd í ríkisstjórn

Í skýrslunni kemur fram að starfshópnum var fljótt ljóst að ástand húsnæðismála safnsins myndi móta heildarumræður starfshópsins. Safnið hefur verið í sama húsnæði frá árinu 1987 en upprunalega var hluti byggingarinnar reistur sem íshús. Hefur safnkostur margfaldast á þeim tíma og kröfur um aðbúnað til varðveislu og sýningahalds orðið umfangsmeiri.…

Ísland nýtir áfram sveigjanleikaákvæði ETS

Jóhann Páll Jóhannsson, umhverfis-, orku- og loftslagsráðherra, hefur ákveðið að Ísland muni áfram nýta ETS-sveigjanleikaákvæði skv. 6 gr. reglugerðar (ESB) um samfélagslosun fyrir árin 2026-2030.

Leggur til árs framlengingu á stuðningskerfi einkarekinna fjölmiðla

Logi Már Einarsson menningar-, nýsköpunar- og háskólaráðherra lagði fram á ríkisstjórnarfundi í morgun minnisblað um stuðning við einkarekna fjölmiðla.…

Fræðslufundur: Hvernig stuðlum við að inngildandi samfélagi fyrir börn og fjölskyldur með fjölbreyttan tungumála- og menningarbakgrunn?

Mennta- og barnamálaráðuneytið vekur athygli á fræðslufundi um hvernig við stuðlum að inngildandi samfélagi fyrir börn og fjölskyldur með fjölbreyttan tungumála- og menningarbakgrunn, þriðjudaginn 21. janúar kl. 10:00-11:30. Barna- og fjölskyldustofa stendur að fundinum í samstarfi við Miðstöð menntunar og skólaþjónustu og er hann haldinn á Teams.

Nýr menningarráðherra flutti sitt fyrsta ávarp á Menningarhátíð RÚV

„Það er mér mikill heiður að fá að taka þátt í dagskránni hér í dag og vekja athygli á því frábæra listafólki sem auðgar menningarlíf þjóðarinnar. Listin nærir andann, fær okkur til að hlæja, gráta og heillast. Hún dýpkar skilning á okkur sjálfum og heiminum i kringum okkur. Hún ögrar, eykur samkennd og auðgar líf okkar, tungumál, lýðræði og samfélag.…

Breytingar á sjúklingatryggingu tóku gildi 1. janúar

Ný lög um sjúklingatryggingu tóku gildi 1. janúar síðastliðinn, ásamt nýrri reglugerð um iðgjöld vegna sjúklingatryggingar. Lögin fela í sér ýmsar breytingar sem styrkja réttarstöðu sjúklinga sem verða fyrir heilsutjóni í tengslum við veitta heilbrigðisþjónustu. Verklag við meðferð bótamála hefur verið samræmt og hámarksbætur hækkaðar um 50%, úr u.þ.b. 14 m.kr. í 21 m.kr.

Úthlutun úr Íþróttasjóði 2025

Mennta- og barnamálaráðherra hefur samþykkt tillögu Íþróttanefndar um úthlutun styrkja úr Íþróttasjóði fyrir árið 2025. Úthlutað er til 71 verkefnis fyrir alls 21,15 milljónir króna.

Opið fyrir umsóknir um tækjastyrk í lífrænum landbúnaði

Matvælaráðuneytið hefur opnað fyrir umsóknir um tækjastyrk í lífrænum landbúnaði.

Finnland sinnir loftrýmisgæslu á Íslandi í fyrsta sinn

Flugsveit finnska flughersins er væntanleg til landsins í lok janúar, en þá hefst loftrýmisgæsla Atlantshafsbandalagsins. Flugsveitin samanstendur af fjórum F/A-18 Hornet orrustuþotum og allt að 50 liðsmönnum.

Áætluð framlög vegna samþættingar á þjónustu í þágu farsældar barna árið 2025

Innviðaráðherra hefur undirritað reglugerð um úthlutun á framlagi til að mæta kostnaði sveitarfélaga vegna samþættingar á þjónustu í þágu farsældar barna á árinu 2025.

Tilnefning í Æskulýðsráð 2025–2026

Mennta- og barnamálaráðuneytið leitar eftir tilnefningum í Æskulýðsráð fyrir tímabilið 2025–2026 í samræmi við reglugerð nr. 1088/2007.

Utanríkisráðherra í vinnuheimsókn í Úkraínu

Þorgerður Katrín Gunnarsdóttir utanríkisráðherra er nú stödd í vinnuheimsókn í Úkraínu þar sem hún fundar með ráðamönnum, áréttar stuðning Íslands við varnarbaráttu Úkraínu og kynnir sér stöðu mála. Þorgerður Katrín hefur í dag meðal annars átt fundi með Andrii Sybiha utanríkisráðherra Úkraínu og Denys Shmyhal forsætisráðherra.

Fimm umsækjendur um embætti landlæknis

Fimm sóttu um embætti landlæknis sem auglýst var laust til umsóknar um miðjan desember síðastliðinn. Umsóknarfrestur rann út í gær.

Úttekt á aðgengi nemenda að hljóðbókum með áherslu á nýbúa

Nýverið var undirritaður samningur milli menningar- og viðskiptaráðuneytisins, mennta- og barnamálaráðuneytisins og ARCUR um úttekt á aðgengi nemenda að hljóðbókaefni á íslensku, bæði námsefni og yndislestrarefni. Úttektinni er ætlað að varpa ljósi á aðgengi leik-, grunn- og framhaldsskólanema að hljóðbókum og mögulegar hindranir.…

Tómas Guðjónsson aðstoðar menningar-, nýsköpunar- og háskólaráðherra

Logi Einarsson, menningar-, nýsköpunar- og háskólaráðherra, hefur ráðið Tómas Guðjónsson sem aðstoðarmann sinn.

Alexander Jakob Dubik og Andri Egilsson aðstoða samgöngu- og sveitarstjórnarráðherra

Alexander Jakob Dubik og Andri Egilsson hafa verið ráðnir aðstoðarmenn fyrir Eyjólf Ármannsson samgöngu- og sveitarstjórnarráðherra.

Þorgerður Katrín ræddi við utanríkisráðherra Noregs

Þorgerður Katrín Gunnarsdóttir utanríkisráðherra átti í dag símafund með Espen Barth Eide, utanríkisráðherra Noregs. Tilgangur fundarins var að koma á samtali ráðherranna og ræða áframhaldandi gott samstarf ríkjanna á alþjóðasviðinu.

Lárus Ólafsson aðstoðar umhverfis-, orku- og loftslagsráðherra

Lárus M. K. Ólafsson hefur verið ráðinn aðstoðarmaður Jóhanns Páls Jóhannssonar, umhverfis-, orku- og loftslagsráðherra.

Flutningur ráðuneytisstjóra

Gissur Pétursson, ráðuneytisstjóri félags- og vinnumarkaðsráðuneytisins, hefur að eigin ósk látið af embætti ráðuneytisstjóra. Ásdís Halla Bragadóttir flyst í embætti ráðuneytisstjóra félags- og vinnumarkaðsráðuneytisins og Sigrún Brynja Einarsdóttir flyst í embætti ráðuneytisstjóra háskóla-, iðnaðar- og nýsköpunarráðuneytisins.

Kynningarfundur um tækifæri á styrkjum vegna vinnumarkaðsmála og félagslegrar nýsköpunar

Félags- og vinnumarkaðsráðuneytið, Samband íslenskra sveitarfélaga og Rannís boða til opins kynningarfundar um félags- og vinnumálaáætlun Evrópusambandsins. Áætlunin styrkir fjölbreytt verkefni á sviði vinnumarkaðsmála og félagslegrar nýsköpunar. Kynningarfundurinn fer fram á morgun, þriðjudaginn 7. janúar kl. 15:00-16:30, í sal Sambands íslenskra sveitarfélaga, Borgartúni 30, 6. hæð.

Sigurjón Arnórsson og Hreiðar Ingi Eðvarðsson aðstoða Ingu Sæland

Sig­ur­jón Arn­órs­son og Hreiðar Ingi Eðvarðsson hafa verið ráðnir aðstoðar­menn Ingu Sæ­land, fé­lags- og hús­næðismálaráðherra.

Matvælaráðuneytið hlýtur jafnlaunavottun

Matvælaráðuneytið hefur hlotið jafnlaunavottun samkvæmt jafnlaunastaðli Staðlaráðs Íslands.

Stefanía er aðstoðarmaður atvinnuvegaráðherra

Hanna Katrín Friðriksson atvinnuvegaráðherra hefur ráðið Stefaníu Sigurðardóttur sem aðstoðarmann.

Starfsemi hafin hjá nýrri Umhverfis- og orkustofnun og Náttúruverndarstofnun

Um áramótin tóku til starfa nýjar stofnanir umhverfis-, orku- og loftslagsráðuneytisins Umhverfis- og orkustofnun og Náttúruverndarstofnun.

Jón Steindór ráðinn aðstoðarmaður fjármála- og efnahagsráðherra

Daði Már Kristófersson fjármála- og efnahagsráðherra hefur ráðið Jón Steindór Valdimarsson sem aðstoðarmann sinn.

Jakob Birgisson og Þórólfur Heiðar Þorsteinsson aðstoða dómsmálaráðherra

Þorbjörg Sigríður Gunnlaugsdóttir dómsmálaráðherra hefur ráðið Jakob Birgisson og Þórólf Heiðar Þorsteinsson sem sína aðstoðarmenn.

Verum hagsýn í rekstri ríkisins

Eitt af forgangsverkefnum nýrrar ríkisstjórnar er að hagræða, einfalda stjórnsýslu og sameina stofnanir, eins og fram kemur í stefnuyfirlýsingu stjórnarinnar. Ríkisstjórnin boðar í því skyni til samráðs við þjóðina undir yfirskriftinni Verum hagsýn í rekstri ríkisins.

Ingileif Friðriksdóttir aðstoðarmaður utanríkisráðherra

Þorgerður Katrín Gunnarsdóttir utanríkisráðherra hefur ráðið Ingileif Friðriksdóttur í stöðu aðstoðarmanns ráðherra.

Ísland tekur sæti í mannréttindaráði Sameinuðu þjóðanna

Ísland tók formlega sæti í mannréttindaráði Sameinuðu þjóðanna nú um áramótin og mun sitja í ráðinu í samtals þrjú ár, eða til loka árs 2027.

Áramótaávarp Kristrúnar Frostadóttur forsætisráðherra

Kristrún Frostadóttir forsætisráðherra flutti landsmönnum áramótaávarp sitt í kvöld.

Þorgerður Katrín ræddi við utanríkisráðherra Úkraínu

Þorgerður Katrín Gunnarsdóttir utanríkisráðherra átti í dag símafund með Andrii Sybiha, utanríkisráðherra Úkraínu. Er það fyrsta símtalið sem ráðherra tekur við erlendan samstarfsmann sinn.

Stefna í lánamálum 2025-2029

Fjármála- og efnahagsráðuneytið hefur gefið út Stefnu í lánamálum ríkisins 2025-2029. Stefnan er sett fram á grundvelli fjármálaáætlunar, í samræmi við 38. gr. laga nr.123/2015 um opinber fjármál, og er hún sett fram árlega. Stefna í lánamálum er sett fram til 5 ára og byggir hún á fyrri stefnu sem gefin var út í desember 2023.

Endanleg framlög úr Jöfnunarsjóð fyrir árið 2024 vegna útgjalda- og tekjujöfnunarframlaga

Innviðaráðherra hefur samþykkt tillögur um endurskoðaða úthlutun á tekjujöfnunarframlagi og útgjaldajöfnunarframlagi fyrir árið 2024.

Dagpeningar ríkisstarfsmanna á ferðalögum erlendis – auglýsing 1. janúar 2025

Ferðakostnaðarnefnd hefur ákveðið dagpeninga til greiðslu ferðakostnaðar ríkisstarfsmanna á ferðalögum erlendis á vegum ríkisins.

Hækkun viðmiðunarfjárhæða tekju- og eignamarka vegna félagslegra leiguíbúða

Innviðaráðherra gaf nýlega út uppfærðar viðmiðunarupphæðir tekju- og eignamarka vegna félagslegra leiguíbúða fyrir árið 2025.

Nýir tollfrjálsir kvótar Evrópusambandsins á íslenskum sjávar- og eldisafurðum taka gildi 1. janúar 2025

Þann 1. janúar 2025 taka gildi átta nýir tollfrjálsir innflutningskvótar til Evrópusambandsins (ESB). Kvótarnir veita aukna útflutningsmöguleika fyrir íslenskar afurðir bæði úr sjávarútvegi og fiskeldi.

Gleðileg jól

Logi Einarsson er nýr samstarfsráðherra Norðurlanda

Ríkisstjórnin samþykkti á fundi sínum í morgun tillögu Kristrúnar Frostadóttur forsætisráðherra um að Logi Einarsson, menningar-, nýsköpunar- og háskólaráðherra, gegni stöðu samstarfsráðherra Norðurlanda.