Fréttir

Leita

Veldu ráðuneyti
Veldu verkefni
Veldu ár
Sýni 3101-3200 af 8581 niðurstöðum
07. maí 2024Heilbrigðisráðuneytið

Aðild Íslands að FiNoSe – norrænu samstarfi um heilbrigðistæknimat fyrir ný lyf

Ísland er orðið fullgildur aðili að norræna samstarfsvettvanginum FiNoSe um framkvæmd heilbrigðistæknimats (HTA) fyrir ný lyf. Samningur þessa efnis var undirritaður í Stokkhólmi 11. apríl sl. Landspítali tekur þátt í samstarfinu fyrir Íslands hönd en þar eru fyrir stofnanir frá hinum Norðurlandaþjóðunum fjórum sem vinna sameiginlega að heilbrigðistæknimati nýrra lyfja.

06. maí 2024Forsætisráðuneytið

Forsætisráðherra tók á móti undirskriftalista um bætta dýravelferð

Bjarni Benediktsson forsætisráðherra tók í dag á móti undirskriftalista frá Dýraverndarsambandi Íslands þar sem skorað er á stjórnvöld að bæta eftirlit með velferð dýra í landinu. Linda Karen Gunnarsdóttir, formaður Dýraverndarsambandsins, afhenti forsætisráðherra undirskriftirnar í Stjórnarráðshúsinu en rúmlega 3.600 manns skrifuðu nöfn sín á listann.

06. maí 2024Heilbrigðisráðuneytið

Gervigreind á sykursýkismóttöku Heilbrigðisstofnunar Suðurnesja

Formleg skimun fyrir augnsjúkdómum af völdum sykursýki hefur verið innleidd á sykursýkismóttöku Heilbrigðisstofnunar Suðurnesja, fyrstri allra heilbrigðisstofnana. Við skimunina er notuð sérstök myndavél frá sprotafyrirtækinu RetinaRisk, sem styðst við gervigreind og metur líkur á skemmdum í augnbotnum. Lionsklúbbur Njarðvíkur veitti HSS veglegan styrk til kaupa á myndavélinni.…

03. maí 2024Utanríkisráðuneytið

Utanríkisráðherrar Norðurlanda og Afríkuríkja funda í Kaupmannahöfn

Versnandi öryggishorfur, staða alþjóðakerfisins og aukið samstarf á sviði viðskipta og fjárfestinga voru efst á baugi á fundi utanríkisráðherra Norðurlanda og Afríkuríkja sem fram fór í Kaupmannahöfn 2. og 3. maí. Þórdís Kolbrún Reykfjörð Gylfadóttir utanríkisráðherra sótti fundinn og þá tók Pétur Þ. Óskarsson, framkvæmdastjóri Íslandsstofu, þátt í viðskiptadagskrá sem fór fram samhliða.

30. apríl 2024Menningar-٫ nýsköpunar- og háskólaráðuneytið

Drög að stefnu í neytendamálum í samráðsgátt: Níu skilgreindar aðgerðir

„Mikil vinna hefur átt sér stað innan menningar- og viðskiptaráðuneytisins á undanförnum til þess að undirbyggja raunverulegar aðgerðir í þágu neytenda. Aðgerðir sem við viljum koma í verk sem fyrst og til framtíðar. Ég er sannfærð um að þær aðgerðir sem ný neytendastefna telur fram muni bæta samfélagið okkar og neytendavernd í þágu okkar allra.…

30. apríl 2024Utanríkisráðuneytið

Sameiginlegt lið Íslands og Svíþjóðar tók þátt í stærstu netvarnaræfingu heims

Tuttugu manna hópur íslenskra sérfræðinga sem tók þátt í nýafstaðinni netvarnaræfingu Atlantshafsbandalagsins, Skjaldborg (e. Locked Shields), er kominn aftur til landsins. Um stærstu árlegu netvarnaræfingu heims er að ræða með þátttöku um 4.000 sérfræðingar frá 40 löndum. Íslenski hópurinn var hluti af sameiginlegu liði með Svíþjóð, nýjasta aðildarríki Atlantshafsbandalagsins.

30. apríl 2024Utanríkisráðuneytið

Langtímastefna fyrir norrænt varnarsamstarf undirrituð

Ný langtímastefna fyrir norrænt varnarsamstarf (NORDEFCO) til ársins 2030 var undirrituð á fundi varnarmálaráðherra Norðurlandanna sem lauk í Þórshöfn í dag. Þá ræddu ráðherrarnir um mikilvægi áframhaldandi stuðnings til Úkraínu og þróun öryggismála á Norður-Atlantshafi og norðurslóðum. Að þessu sinni áttu fulltrúar stjórnvalda í Færeyjum og Grænlandi einnig sæti á fundinum.

29. apríl 2024Mennta- og barnamálaráðuneytið

Alþjóðlegur leiðtogafundur um málefni kennara (ISTP) verður haldinn í Reykjavík vorið 2025

Alþjóðlegur leiðtogafundur um menntamál og málefni kennara (ISTP) verður haldinn í Reykjavík í mars 2025. Þetta var tilkynnt við hátíðlega athöfn á nýafstöðnum leiðtogafundi sem fram fór í Singapore í liðinni viku. Ásmundur Einar Daðason, mennta- og barnamálaráðherra, tók við keflinu úr höndum Chan Chun Sing menntamálaráðherra Singapúr.

29. apríl 2024Atvinnuvegaráðuneytið

Heimilt að endurnýta eyrnamerki í sauðfé til 1. nóvember 2025

Matvælaráðuneytið hefur upplýst eftirlitsstofnun EFTA (ESA) um að það hyggist fresta gildistöku breytingareglugerðar um merkingu búfjár. Ljóst þykir að bændur þurfi meiri tíma til aðlögunar og verður því heimilt að nota endurnýtanleg merki í sláturtíð árið 2024 og til 1. nóvember árið 2025. Frekari framlenging mun ekki koma til skoðunar að þeim tíma liðnum.

28. apríl 2024Menningar-٫ nýsköpunar- og háskólaráðuneytið, Mennta- og barnamálaráðuneytið, Forsætisráðuneytið

Allt er hægt á íslensku: sigurvegari í efniskeppni vandamálaráðuneytisins

Metnaðarfullt og skemmtilegt myndband þar sem fjölbreyttir hæfileikar þátttakenda njóta sín, auk íslenskrar tungu. Endursköpun flókins kvikmyndaatriðis er leyst með miklu hugmyndaflugi, sköpunarkrafti og natni við smáatriði þar sem öllum brögðum er beitt. Ástríða fyrir viðfangsefninu leynir sér ekki, það er allt hægt á íslensku!

24. apríl 2024Menningar-٫ nýsköpunar- og háskólaráðuneytið

Ný örnefnanefnd skipuð

Menningar- og viðskiptaráðherra hefur skipað nýja örnefnanefnd skv. 4. gr. laga um um örnefni, nr. 22/2015. Um hlutverk nefndarinnar er fjallað í framangreindum lögum og í reglugerð um störf örnefnanefndar, nr. 1040/2017. Um hlutverk og markmið örnefnanefndar segir í 2. gr. reglugerðarinnar: „Örnefnanefnd skal í störfum sínum miða að varðveislu íslensks menningararfs. Nefndin skal m.a.…

24. apríl 2024Menningar-٫ nýsköpunar- og háskólaráðuneytið

Tónlistarmiðstöð opnuð formlega í gær

„Með því að færa íslenskri tónlist varanlegt heimili er verið að taka mikilvæga stefnu til framtíðar og gera þá umgjörð sem við höfum skapað listgreininni mun aðgengilegri. Nú verður hægt að leita á einn og sama staðinn eftir stuðningi, upplýsingum og innblæstri sem áður dreifðist yfir fjölda stofnanna. Þannig sameinast mikilvæg þekking og framtíðaráform undir einu þaki.…

24. apríl 2024Menningar-٫ nýsköpunar- og háskólaráðuneytið

Hildurgunnur opnar fyrir fullu húsi í Feneyjum

Sýning Hildigunnar Birgisdóttur Þetta er mjög stór tala (Commerzbau) opnaði formlega síðastliðinn fimmtudag á Feneyjatvíæringnum og lýkur í dag. Sýningin er undir sýningarstjórn bandaríska sýningarstjórans Dan Byers og samanstendur af nýjum skúlptúrum og innsetningum. Sýningin var vel sótt líkt og sjá má á meðfylgjandi mynd frá opnun íslenska skálans.

22. apríl 2024Félags- og húsnæðismálaráðuneytið

Öll með: Fjöldi fólks fylgdist með kynningu á fyrirhuguðum breytingum á örorkulífeyriskerfinu

Fjöldi fólks fylgdist með kynningarfundi Guðmundar Inga Guðbrandssonar, félags- og vinnumarkaðsráðherra, um breytingar á örorkulífeyriskerfinu. Yfirskrift fundarins var „Öll með“ og var fundurinn sendur út í beinu streymi fyrr í dag. Markmið breytinganna er að einfalda örorkulífeyriskerfið, draga úr tekjutengingum og gera kerfið réttlátara.

22. apríl 2024Félags- og húsnæðismálaráðuneytið

Reiknivél vegna fyrirhugaðra breytinga á örorkulífeyriskerfinu

Reiknivél hefur verið opnuð vegna fyrirhugaðra breytinga á örorkulífeyriskerfinu. Þar getur fólk borið saman hvað það fær í örorkulífeyri í núverandi greiðslukerfi og hvað það myndi fá í nýju greiðslukerfi. Guðmundur Ingi Guðbrandsson, félags- og vinnumarkaðsráðherra, setti reiknivélina í loftið á kynningarfundi í Þjóðmenningarhúsinu sem nú stendur yfir.

22. apríl 2024Félags- og húsnæðismálaráðuneytið

Opið samráð um samstarfsáætlanir Norrænu ráðherranefndarinnar fyrir tímabilið 2025-2030

Vakin er athygli á að frestur til að skila inn athugasemdum við drög að nýjum samstarfsáætlunum Norrænu ráðherranefndarinnar fyrir tímabilið 2025–2030 rennur út 26. apríl nk. Áhugafólk um norrænt samstarf er hvatt til að kynna sér málið og koma sjónarmiðum sínum á framfæri með því að fylla út og senda inn eyðublað á vefsíðu norræna samstarfsins.

20. apríl 2024Félags- og húsnæðismálaráðuneytið

Öll með: Viðamiklar breytingar á örorkulífeyriskerfinu kynntar á mánudag

Guðmundur Ingi Guðbrandsson, félags- og vinnumarkaðsráðherra, kynnir viðamiklar breytingar á örorkulífeyriskerfinu á fundi í Þjóðmenningarhúsinu á mánudag kl. 11:00. Markmið breytinganna er að einfalda örorkulífeyriskerfið, draga úr tekjutengingum og gera kerfið réttlátara. Þetta eru mestu breytingar á örorkulífeyriskerfinu frá upphafi.

19. apríl 2024Utanríkisráðuneytið

Stuðningur við Úkraínu efst á dagskrá á fundi með varautanríkisráðherra Bandaríkjanna

Þórdís Kolbrún Reykfjörð Gylfadóttir utanríkisráðherra hitti í dag Kurt Campbell, varautanríkisráðherra Bandaríkjanna, á fundi í bandaríska utanríkisráðuneytinu. Tvíhliða samstarf Íslands og Bandaríkjanna, stuðningur við Úkraínu og málefni Miðausturlanda bar hæst á fundinum, sem og málefni norðurslóða og leiðtogafundur Atlantshafsbandalagsins sem haldinn verður í Washington í sumar.…

19. apríl 2024Menningar-٫ nýsköpunar- og háskólaráðuneytið

Jón Þ. Sigurgeirsson hefur látið af störfum sem efnahagsráðgjafi í menningar- og viðskiptaráðuneytinu

Jón Þ. Sigurgeirsson hefur látið af störfum sem efnahagsráðgjafi Lilju Daggar Alfreðsdóttur menningar- og viðskiptaráðherra. Jón hefur síðustu misseri sinnt menningarmálum í auknum mæli innan ráðuneytisins og mun áfram sinna verkefnum á sviði tónlistar og menningar auk framkvæmdaverkefna á vegum ráðuneytisins.

19. apríl 2024Menningar-٫ nýsköpunar- og háskólaráðuneytið

Tvær framúrskarandi vísindakonur hljóta Hvatningarverðlaun Rannsóknasjóðs

Hvatningarverðlaun Rannsóknasjóðs fyrir árin 2023 og 2024 voru afhent við hátíðlega athöfn á Rannsóknaþingi Rannís sem fór fram í gær. Verðlaunin voru að þessu sinni veitt tveimur framúrskarandi vísindakonum en fyrir árið 2023 hlaut Dr. Heiða María Sigurðardóttir, prófessor við sálfræðideild Háskóla Íslands verðlaunin og Dr.…

18. apríl 2024Menningar-٫ nýsköpunar- og háskólaráðuneytið

Íslensk málnefnd skipuð út árið 2027

Menningar- og viðskiptaráðherra hefur skipað að nýju í Íslenska málnefnd út árið 2027. Íslensk málnefnd var stofnuð 1964 og starfar nú samkvæmt 6. grein laga nr. 61/2011, um stöðu íslenskrar tungu og íslensks táknmáls. Formaður nefndarinnar er Ármann Jakobsson og varaformaður Eva María Jónsdóttir en þau eru skipuð af ráðherra án tilnefningar. Að öðru leyti er nefndin þannig skipuð:

18. apríl 2024Félags- og húsnæðismálaráðuneytið, Mennta- og barnamálaráðuneytið

Auglýst eftir umsóknum um nýsköpunar- og þróunarverkefni til að efla framhaldsfræðslu

Fræðslusjóður auglýsir eftir umsóknum um styrki til nýsköpunar- og þróunarverkefna til að efla og þróa áfram vettvang framhaldsfræðslu. Framhaldsfræðsla er hvers konar nám, úrræði, ráðgjöf eða mat á raunfærni sem sérstaklega er ætluð fullorðnu fólki með stutta skólagöngu eða með skerta möguleika til náms eða atvinnuþátttöku. Það getur t.d. verið vegna íslenskukunnáttu eða mismikillar starfsgetu.

18. apríl 2024Menningar-٫ nýsköpunar- og háskólaráðuneytið

Þriðja ár NorReg fjármagnað – Nærandi ferðaþjónusta til framtíðar

Markmið nærandi ferðaþjónustu er að ferðaþjónustufyrirtæki og gestir þeirra hafi jákvæð áhrif á nærumhverfi sitt og náttúru en einnig að rekstur fyrirtækjanna og framboð afþreyingar og þjónustu geri gestum áfangastaðarins kleift og ljúft að taka þátt í að styrkja og leggja til áfangastaðarins til framtíðar.…

17. apríl 2024Félags- og húsnæðismálaráðuneytið

Kynning á breytingum á örorkulífeyriskerfinu – bein útsending 22. apríl kl. 11:00

Guðmundur Ingi Guðbrandsson, félags- og vinnumarkaðsráðherra, kynnir viðamiklar breytingar á örorkulífeyriskerfinu í beinni útsendingu mánudaginn 22. apríl kl. 11:00 í Safnahúsinu við Hverfisgötu (Þjóðmenningarhúsinu). Fundinum verður streymt á vef Stjórnarráðsins. Markmið breytinganna er að einfalda örorkulífeyriskerfið, draga úr tekjutengingum og gera kerfið réttlátara.

16. apríl 2024Félags- og húsnæðismálaráðuneytið

Hækkun á framlögum til Fæðingarorlofssjóðs, útvíkkun sorgarleyfis og aðgerðir til að aðstoða fólk með mismikla starfsgetu út á vinnumarkað

Átta milljarða króna hækkun á framlögum til Fæðingarorlofssjóðs og aukin framlög vegna sorgarleyfis eru hluti af fjármálaáætlun 2025-2029 sem kynnt var í morgun. Þá bætist á tímabili áætlunarinnar við fjármagn í vinnusamninga örorkulífeyrisþega og vinnumarkaðsaðgerðir fyrir atvinnuleitendur og fólk með skerta starfsgetu sem nemur 900 milljónum kr. árlegu framlagi frá og með árinu 2027.

16. apríl 2024Fjármála- og efnahagsráðuneytið

Sterk staða varin og stuðlað að lækkun verðbólgu

Á tímabili nýrrar fjármálaáætlunar fyrir árin 2025-2029 sem Sigurður Ingi Jóhannsson, fjármála- og efnahagsráðherra, kynnti í dag verður áhersla á að verja sterka stöðu með hóflegum vexti útgjalda til að stuðla að lækkun verðbólgu og skapa skilyrði fyrir lækkun vaxta. Þannig skila þær launahækkanir sem samið var um í kjarasamningum auknum kaupmætti til almennings.

16. apríl 2024Félags- og húsnæðismálaráðuneytið

Mælti fyrir frumvarpi sem felur í sér hækkun á hámarksgreiðslum úr Fæðingarorlofssjóði og vegna sorgarorlofs

Guðmundur Ingi Guðbrandsson, félags- og vinnumarkaðsráðherra, hefur mælt fyrir frumvarpi á Alþingi um breytingu á lögum um fæðingar- og foreldraorlof og lögum um sorgarleyfi. Frumvarpið var lagt fram í kjölfar sameiginlegra aðgerða ríkisstjórnar Íslands og Sambands íslenskra sveitarfélaga sem kynntar voru í mars sl. til að greiða fyrir kjarasamningum á vinnumarkaði til næstu fjögurra ára.

15. apríl 2024Heilbrigðisráðuneytið

Styrkir félagasamtök um 80 milljónir til verkefna á sviði heilbrigðismála

Willum Þór Þórsson heilbrigðisráðherra hefur veitt 80 milljónir króna í styrki til félagasamtaka sem vinna að mikilvægum verkefnum á sviði heilbrigðismála í þágu tiltekinna hópa. Alls voru veittir styrkir til 29 verkefna og námu styrkfjárhæðir á bilinu 800.000 kr. til 6000.000 kr. Hæstu styrkina hlutu Hjartaheill, Rótin, Gigtarfélag Íslands, Alzheimersamtökin og SÍBS.

15. apríl 2024Fjármála- og efnahagsráðuneytið

Þétt setinn fundur um bætta þjónustu hins opinbera

Fundur með helstu þjónustustofnunum ríkisins sem haldinn var fyrir helgi var vel sóttur en þar var rætt um stöðu og framþróun þjónustunnar, auk þess að fjalla um tækifæri gervigreindar fyrir þjónustu hins opinbera. Markmið fundarins voru umræða og aðgerðir um hvernig megi bæta þjónustu hins opinbera meðal annars út frá stefnu um opinbera þjónustu sem nú er í vinnslu.

12. apríl 2024Utanríkisráðuneytið

Netöryggisráðstefna Atlantshafsbandalagsins haldin á Íslandi

Um 200 sérfræðingar í netöryggismálum frá bandalagsríkjum Atlantshafsbandalagsins tóku þátt í ráðstefnu sem fram fór í Reykjavík dagana 9.-11. apríl. Þar voru til umræðu helstu áskoranir og ógnir sem stafa að netöryggi ríkjanna, en viðburðurinn var haldinn á vegum Atlantshafsbandalagsins í samstarfi við varnarmálaskrifstofu utanríkisráðuneytisins og netöryggissveit íslenskra stjórnvalda, CERT-IS.