Fréttir

Leita

Veldu ráðuneyti
Veldu verkefni
Veldu ár
Sýni 3501-3600 af 8581 niðurstöðum
05. febrúar 2024Mennta- og barnamálaráðuneytið, Forsætisráðuneytið

Stjórnvöld styðja við umsókn um að halda HM í handbolta á Íslandi

Stjórnvöld lýsa yfir stuðningi sínum við umsókn um að halda heimsmeistaramótið í handbolta árið 2029 eða 2031 á Íslandi, í Danmörku og Noregi. Leikir á Íslandi færu fram í nýrri þjóðarhöll. Katrín Jakobsdóttir forsætisráðherra og Ásmundur Einar Daðason, mennta- og barnamálaráðherra, undirrituðu yfirlýsingu þess efnis fyrir hönd stjórnvalda í Stjórnarráðshúsinu í dag.

02. febrúar 2024Menningar-٫ nýsköpunar- og háskólaráðuneytið

Ráðstefna um stöðu bókarinnar á Íslandi

Menningar- og viðskiptaráðuneytið boðar til ráðstefnu um stöðu bókarinnar á Íslandi föstudaginn 9. febrúar kl. 15:00 í Veröld – Húsi Vigdísar. Á ráðstefnunni verður farið yfir þau áhrif sem setning laga um stuðning við útgáfu bóka á íslensku, nr. 130/2018, hefur haft á bókamarkaðinn. Lögin tóku gildi í ársbyrjun 2019 og nú er komin allnokkur reynsla af þeim.

31. janúar 2024Atvinnuvegaráðuneytið

Fiskeldissjóður auglýsir eftir umsóknum um styrki fyrir árið 2024

Fiskeldissjóður starfar á grundvelli 7. gr. laga nr. 89/2019 um töku gjalds vegna fiskeldis í sjó og fiskeldissjóð. Sjóðnum er ætlað að veita sveitarfélögum styrki til uppbyggingar innviða, þar sem fiskeldi í sjókvíum er stundað, og styrkja þar með samfélög og stoðir atvinnulífs á þeim svæðum. Stjórn sjóðsins starfar eftir starfsreglum sjóðsins. Til úthlutunar á árinu 2024 eru kr. 437.200.000.

31. janúar 2024Heilbrigðisráðuneytið

Umframdauðsföll hlutfallslega næstfæst á Íslandi

Nýleg skýrsla Efnahags- og framfarastofnunarinnar (OECD) bendir til þess að sóttvarnaaðgerðir á Íslandi á tímum heimsfaraldurs Covid-19 hafi verið árangursríkar. Niðurstaðan leiðir í ljós að af OECD-ríkjunum voru dauðsföll á Íslandi á Covid-19 tímanum færri en búast hefði mátt við miðað við fólksfjölgun og aldurssamsetningu þjóðarinnar. Aðeins á Nýja-Sjálandi var hlutfall umframdauðsfalla lægra.

30. janúar 2024Utanríkisráðuneytið

Utanríkisráðherra leggur fram skýrslu um bókun 35 við EES-samninginn

Utanríkisráðherra hefur lagt fram á Alþingi skýrslu um bókun 35 við EES-samninginn. Skýrslunni er ætlað að vekja umræðu og kalla fram sjónarmið, á grundvelli fyrirliggjandi upplýsinga og skuldbindinga Íslands samkvæmt EES-samningnum. Í skýrslunni eru dregnir fram nokkrir lykilþættir í forsögu og forsendum málsins til að varpa ljósi á þá stöðu sem Alþingi stendur frammi fyrir nú.

26. janúar 2024Mennta- og barnamálaráðuneytið

Farsælt samstarf við Samfés í þágu barna og ungmenna um allt land

Markmið nýs samnings mennta- og barnamálaráðuneytisins við Samfés, Landssamtök félagsmiðstöðva og ungmennahúsa, er að tryggja framgang stefnu ráðuneytisins um tómstunda- og félagsstarf barna og ungmenna til 2030, auka lýðræðislega þátttöku barna og ungmenna í ákvarðanatöku og styðja við innleiðingu laga um samþættingu þjónustu í þágu farsældar barna.…

25. janúar 2024Utanríkisráðuneytið

Nýir rammasamningar á sviði mannúðarmála undirritaðir í Genf

Nýir rammasamningar um áframhaldandi stuðning íslenskra stjórnvalda við Neyðarsjóð Sameinuðu þjóðanna (CERF) og Samhæfingarskrifstofu aðgerða Sameinuðu þjóðanna í mannúðarmálum (OCHA) til næstu fimm ára voru undirritaðir í síðustu viku. Einar Gunnarsson, fastafulltrúi Íslands hjá alþjóðastofnunum í Genf, undirritaði samningana fyrir hönd Íslands ásamt Ramesh Rajasingham, yfirmanni OCHA í Genf.…

25. janúar 2024Umhverfis-٫ orku- og loftslagsráðuneytið

Íþyngjandi ákvæði lögleidd umfram skyldu í 41% innleiðingarfrumvarpa vegna EES gerða á málefnasviði umhverfisráðuneytisins

Endurskoða þarf og bæta verklag við meðferð innleiðingarfrumvarpa vegna EES-gerða. Þetta er niðurstaða Skýrslu um innleiðingu EES-gerða i landsrétt - Hefur „gullhúðun“ átt sér stað á málefnasviði umhverfis-, orku- og loftslagsráðuneytisins á tímabilinu 2010 til 2022? sem dr.…

25. janúar 2024Menningar-٫ nýsköpunar- og háskólaráðuneytið

Ráðast í greiningu á þörfum fatlaðs fólks fyrir máltæknilausnir

Menningar- og viðskiptaráðuneytið hefur gert samning við ÖBÍ réttindasamtök og greiningarfyrirtækið Sjá viðmótsprófanir um að ráðast í greiningu á þörfum fatlaðs fólks fyrir vörur og hugbúnað sem byggja á máltækni. Lilja Alfreðsdóttir, menningar- og viðskiptaráðherra, undirritaði samninginn í dag ásamt Ölmu Ýr Ingólfsdóttur, formanni ÖBÍ, og Jóhönnu Símonardóttur, framkvæmdastjóra Sjá.

25. janúar 2024Mennta- og barnamálaráðuneytið

Málþing: Framtíðarfyrirkomulag útgáfu námsgagna

Mennta- og barnamálaráðuneytið boðar til málþings um framtíðarfyrirkomulag útgáfu námsgagna fyrir börn og ungmenni föstudaginn 16. febrúar kl. 13:00–17:00 á Reykjavík Natura að Nauthólsvegi 52 og í streymi. Markmið málþingsins er tryggja aukið aðgengi að vönduðum og fjölbreyttum námsgögnum fyrir öll skólastig með hagsmuni barna og ungmenna að leiðarljósi.

23. janúar 2024Menningar-٫ nýsköpunar- og háskólaráðuneytið

Rannsókna- og nýsköpunarhús rís við Háskólann í Reykjavík

Háskóla-, iðnaðar- og nýsköpunarráðherra veitti í dag Háskólanum í Reykjavík (HR) 200 milljóna króna stuðning til fjármögnunar undirbúnings að uppbyggingu á allt að 6000 fermetra rannsókna- og nýsköpunarhúsi við skólann. Húsið er lykillinn að frekari sókn HR í rannsóknum og kennslu í tæknigreinum og eflir samstarf skólans við atvinnulífið.…

19. janúar 2024Mennta- og barnamálaráðuneytið

Þróað verður stöðumat í íslensku fyrir innflytjendur

Ásmundur Einar Daðason, mennta- og barnamálaráðherra, og Jón Atli Benediktsson, rektor Háskóla Íslands, hafa undirritað samning um að þróa rafrænt stöðumat í íslensku fyrir innflytjendur. Um er að ræða hönnun á stöðluðu prófi á netinu til að meta hæfni í íslensku samkvæmt staðli Evrópska tungumálarammans sem notaður er til að meta færni í tungumálum.

19. janúar 2024Menningar-٫ nýsköpunar- og háskólaráðuneytið

Háskólinn á Hólum og Háskóli Íslands sameinist í háskólasamstæðu

Niðurstaða fýsileikagreiningar á auknu samstarfi eða sameiningu Háskólans á Hólum (HH) og Háskóla Íslands (HÍ) er að lagt verði til við háskólaráð beggja skóla að skólarnir sameinist. Lagt er til að rekstrarform sameinaðs skóla verði það sem kallað er háskólasamstæða og er nýnæmi hér á landi en þekkist víða erlendis þar sem hugtakið kampus er notað.

18. janúar 2024Félags- og húsnæðismálaráðuneytið

Samtal um stefnu í málefnum innflytjenda

Félags- og vinnumarkaðsráðuneytið vinnur nú í fyrsta sinn að stefnu og framtíðarsýn í málefnum innflytjenda. Markmiðið er að fólk sem sest að hér á landi hafi tækifæri til inngildingar (e. inclusion) og virkrar þátttöku í samfélaginu og á vinnumarkaði. Ráðuneytið býður til samtals hringinn í kringum landið og eru innflytjendur sérstaklega hvattir til að mæta.