Fréttir

Leita

Veldu ráðuneyti
Veldu verkefni
Veldu ár
Sýni 3601-3700 af 8581 niðurstöðum
15. janúar 2024Atvinnuvegaráðuneytið

Fjölmennt á kynningu í London um beint flug til Akureyrar

Ný flugleið EasyJet frá London til Akureyrar og tækifærin sem henni fylgja voru umræðuefni fundar Lilju Alfreðsdóttur menningar- og viðskiptaráðherra í London í síðustu viku með fulltrúum EasyJet, Markaðsstofu Norðurlands, Íslandsstofu og sendiherra Íslands í Bretlandi. Flug EasyJet til Akureyrar hófst síðastliðið haust og mun standa fram á veturinn en flogið er tvisvar í viku.

11. janúar 2024Heilbrigðisráðuneytið, Fjármála- og efnahagsráðuneytið

Nýtt og skilvirkara fyrirkomulag við öflun húsnæðis fyrir hjúkrunarheimili

Fjármála- og efnahagsráðherra og heilbrigðisráðherra hafa ákveðið að breyta fyrirkomulagi við öflun húsnæðis fyrir hjúkrunarheimili. Áformað er nú að ríkið sjái alfarið um öflun húsnæðis undir rekstur hjúkrunarheimila í gegnum leigusamninga við fasteignafélög og aðra sérhæfða aðila á grundvelli útboða. Tillögur starfshóps þessa efnis voru kynntar fyrir ríkisstjórn á dögunum.…

10. janúar 2024Fjármála- og efnahagsráðuneytið, Forsætisráðuneytið, Mennta- og barnamálaráðuneytið

Stórt skref í átt að nýrri þjóðarhöll

Stofnað hefur verið félag sem mun standa að byggingu nýrrar þjóðarhallar í innanhússíþróttum í Laugardal, Þjóðarhöll ehf. Katrín Jakobsdóttir forsætisráðherra, Ásmundur Einar Daðason, mennta- og barnamálaráðherra, Þórdís Kolbrún R. Gylfadóttir fjármála- og efnahagsráðherra og Dagur B. Eggertsson borgarstjóri undirrituðu samning milli ríkis og Reykjavíkurborgar um stofnun félagsins í dag.…

10. janúar 2024Menningar-٫ nýsköpunar- og háskólaráðuneytið

Stóraukinn aðgangur að fjármögnun á betri kjörum til nýsköpunar og grænna lausna með InvestEU

Með InvestEU aukast tækifæri til að fjármagna eða sækja ábyrgð vegna stórra, samfélagslega mikilvægra verkefna á Íslandi, hvort sem þau eru á vegum opinberra aðila, sveitarfélaga eða einkaaðila. Sem dæmi má nefna fjármögnun verkefna á sviði orkuframleiðslu, orkuskipta og innleiðingar hringrásarhagkerfis og stuðning við nýsköpun í matvælaframleiðslu.…

10. janúar 2024Mennta- og barnamálaráðuneytið

Úthlutun styrkja til nýsköpunar og skólaþróunarverkefna á vettvangi leik-, grunn- og framhaldsskóla og frístundastarfs

Mennta- og barnamálaráðuneytið hefur úthlutað styrkjum til nýsköpunar- og skólaþróunarverkefna á vettvangi leik-, grunn- og framhaldsskóla og frístundastarfs. Um nýja tímabundna styrki er að ræða til að innleiða aðgerð 2 í menntastefnu stjórnvalda til ársins 2030 um aukna skólaþróun um allt land.

09. janúar 2024Atvinnuvegaráðuneytið

Almennir jarðræktarstyrkir, landgreiðslur og tjónabætur vegna ágangs álfta og gæsa greiddar

Matvælaráðuneytið greiddi skömmu fyrir áramót jarðræktarstyrki, landgreiðslur og tjónabætur vegna tjóns af völdum álfta og gæsa á ræktunarlandi bænda vegna ársins 2023 í samræmi við reglugerð um almennan stuðning við landbúnað nr. 430/2021, með síðari breytingum. Styrkir vegna jarðræktar nema alls 437.292.516 kr. og 434.527.372 kr. vegna landgreiðslna, alls 871.819.888 kr.

09. janúar 2024Atvinnuvegaráðuneytið

Stutt við uppbyggingu alþjóðaflugs á landsbyggðinni

Menningar- og viðskiptaráðherra undirritaði í dag samning við Íslandsstofu um áframhaldandi stuðning við markaðssetningu á Akureyrarflugvelli og Egilsstaðaflugvelli. Verkefninu Nature Direct er ætlað að hvetja til hvetja til samstarfs og samvinnu Íslandsstofu, Isavia, Markaðsstofu Norðurlands og Austurbrúar um kynningu á flugvöllunum á Akureyri og Egilsstöðum fyrir beint millilandaflug á svæðinu.…

08. janúar 2024Félags- og húsnæðismálaráðuneytið

Mannréttindaskrifstofa Íslands fær styrk til að veita innflytjendum lögfræðiráðgjöf

Guðmundur Ingi Guðbrandsson, félags- og vinnumarkaðsráðherra, og Margrét Steinarsdóttir, framkvæmdastjóri Mannréttindaskrifstofu Íslands, undirrituðu í dag áframhaldandi samning vegna verkefnis sem miðar að því veita innflytjendum sérhæfða lögfræðiráðgjöf um rétt sinn innan íslenska stjórnkerfisins. Ráðgjöfin er fólki að kostnaðarlausu.

05. janúar 2024Innviðaráðuneytið

Áætluð framlög Jöfnunarsjóðs sveitarfélaga vegna málaflokks fatlaðs fólks nema tæpum 36,9 milljörðum króna árið 2024

Sigurður Ingi Jóhannsson, innviðaráðherra, hefur samþykkt tillögu ráðgjafarnefndar Jöfnunarsjóðs sveitarfélaga um að hækka áætluð framlög sjóðsins vegna málaflokks fatlaðs fólks á árinu 2024 um 5,8 milljarða króna og nema áætluð framlög sjóðsins vegna reksturs málaflokksins nú tæpum 36,9 milljörðum króna.

05. janúar 2024Heilbrigðisráðuneytið, Utanríkisráðuneytið, Félags- og húsnæðismálaráðuneytið

Samningur við Bretland um réttindi á sviði almannatrygginga tekur gildi

Samningur Íslands, Liechtenstein og Noregs við Bretland um samræmingu almannatrygginga sem undirritaður var í sumar, tók formlega gildi um áramótin eða 1. janúar sl. Hann kveður á um framtíðarfyrirkomulag réttinda á sviði almannatrygginga, aðallega hvað varðar lífeyrisréttindi og sjúkratryggingar þeirra sem ferðast eða flytjast milli landanna.

03. janúar 2024Félags- og húsnæðismálaráðuneytið

Bifreiðastyrkir til fólks með hreyfihömlun hækkaðir í fyrsta sinn í 8 ár og sérstök áhersla lögð á orkuskipti

Guðmundur Ingi Guðbrandsson, félags- og vinnumarkaðsráðherra, hefur undirritað reglugerð sem felur í sér fyrstu hækkun í átta ár á uppbótum og styrkjum til bifreiðakaupa fyrir hreyfihamlað fólk. Að auki verður hægt að sækja um styrk til Orkusjóðs vegna sérútbúinna hreinna rafbíla fyrir hreyfihamlaða án þess hámark sé á kaupverði þeirra.

28. desember 2023Mennta- og barnamálaráðuneytið

Laus störf í mennta- og barnamálaráðuneytinu

Hinn 1. apríl nk. tekur til starfa ný þjónustu- og þekkingarstofnun sem starfar í þágu barna og ungmenna á sviði menntamála. Nýju stofnuninni, Miðstöð menntunar og skólaþjónustu, er ætlað að styðja skólasamfélagið þannig að öll börn njóti framúrskarandi menntunar og farsældar. Á sama tíma verður greiningarhæfni mennta- og barnamálaráðuneytisins aukin og stjórnsýsla menntamála í ráðuneytinu efld.…

22. desember 2023Menningar-٫ nýsköpunar- og háskólaráðuneytið

Aukin tækifæri til samkeppnishæfs náms utan höfuðborgarsvæðisins með sameiningu Háskólans á Akureyri og Háskólans á Bifröst

Skýrsla um fýsileika sameiningar Háskólans á Akureyri og Háskólans á Bifröst liggur nú fyrir. Skýrslan var unnin í framhaldi af viljayfirlýsingu háskóla-, iðnaðar- og nýsköpunarráðherra og háskólanna tveggja sem undirrituð var í september sl. Við sameiningu skólanna yrði til nýr skóli með höfuðstöðvar á Akureyri, starfsstöð í Borgarnesi og starfsstöð í Reykjavík.

21. desember 2023Félags- og húsnæðismálaráðuneytið

Styrkur til Taktu skrefið vegna þjónustu við fólk sem hefur áhyggjur af kynferðislegri hegðun sinni eða hefur beitt kynferðisofbeldi

Guðmundur Ingi Guðbrandsson, félags- og vinnumarkaðsráðherra, hefur veitt Taktu skrefið 8 milljóna króna styrk. Um er að ræða sérhæfða þjónustu við fólk sem hefur áhyggjur af kynferðislegri hegðun sinni eða hefur beitt kynferðisofbeldi. Hjá Taktu skrefið starfar hópur sálfræðinga með sérþekkingu á þessu sviði.

20. desember 2023Heilbrigðisráðuneytið

Aukin greiðsluþátttaka við ferðakostnað vegna heilbrigðisþjónustu innanlands

Willum Þór Þórsson heilbrigðisráðherra hefur með breytingu á reglugerð um ferðakostnað sjúkratryggðra og aðstandenda þeirra innanlands aukið rétt þeirra til endurgreiðslu ferðakostnaðar. Hingað til hafa sjúkratryggingar tekið þátt í kostnaði við tvær ferðir á ári en með breytingunni fjölgar þeim í þrjár. Þetta á við um nauðsynlegar ferðir þar sem eru 20 km.…

20. desember 2023Utanríkisráðuneytið

Stefna um alþjóðlega þróunarsamvinnu Íslands fyrir árin 2024-2028 samþykkt

Alþingi samþykkti einróma á föstudag þingsályktun um stefnu um alþjóðlega þróunarsamvinnu Íslands fyrir árin 2024-2028. Stefnan byggir á því sem vel hefur tekist á undanförnum árum, niðurstöðum úttekta og nýafstaðinni jafningjarýni Þróunarsamvinnunefndar OECD (DAC) þar sem meðal annars var lögð áhersla á mikilvægi þess að Ísland hafi áfram skýra og einbeitta nálgun í sinni þróunarsamvinnu.

18. desember 2023Mennta- og barnamálaráðuneytið

Átta nýjar starfsstöðvar til eflingar íþróttastarfs

Ásmundur Einar Daðason, mennta- og barnamálaráðherra, Lárus L. Blöndal forseti ÍSÍ og Jóhann Steinar Ingimundarson formaður UMFÍ undirrituðu í dag samning um átta nýjar starfsstöðvar til eflingar íþróttastarfs á landsvísu. Samningurinn markar tímamót fyrir íþróttir á Íslandi en á grundvelli hans mun íþróttahreyfingin koma á fót átta svæðisskrifstofum með stuðningi stjórnvalda.…