Fréttir

Stuðningur við Úkraínu í brennidepli á fjarfundi utanríkisráðherra Norðurlanda

Utanríkisráðherrar Norðurlanda hittust á fjarfundi í dag undir stjórn Þórdísar Kolbrúnar Reykfjörð Gylfadóttur utanríkisráðherra sem fer með formennsku í norræna hópnum í ár. Ráðherrarnir funduðu síðast á Ísafirði í júní. Allsherjarþing Sameinuðu þjóðanna og staðan í Úkraínu, Afganistan og Vestur-Afríku voru efst á baugi.

Flugsveit bandaríska flughersins á Íslandi

Flugsveit bandaríska flughersins er væntanleg til landsins í dag, sunnudaginn 13. ágúst, þar sem hún verður við æfingar með bandalagsríkjum í Norður-Evrópu. Um er að ræða þrjár B-2 Spirit flugvélar með allt að 200 manna liðsafla sem mun hafa aðsetur á öryggissvæðinu í Keflavík næstu vikur á meðan æfingar standa yfir.

Sendinefnd Íslands kynnti endurskoðaða greinargerð fyrir landgrunnsnefnd Sameinuðu þjóðanna

Í gær kynnti sendinefnd Íslands endurskoðaða greinargerð um ytri mörk landgrunns Íslands á Reykjaneshrygg, utan 200 sjómílna, fyrir landgrunnsnefnd Sameinuðu þjóðanna í New York. Í haust mun svo sendinefndin hefja vinnu með sérstakri undirnefnd sem skipuð var til að yfirfara greinargerð Íslands.

Ísland undirritar samkomulag um vinnudvöl ungmenna í Kanada

Samkomulag milli Íslands og Kanada um vinnudvöl ungmenna (e. Youth Mobility) á aldrinum 18 til 30 ára var undirritað í gær. Samningurinn kveður á um að ungmenni á þessum aldri geti ferðast og starfað í Kanada í allt að 12 mánuði, með möguleika á að framlengja dvölina um 12 mánuði.

Aukin viðvera Íslands í Kænugarði

Utanríkisráðuneyti Íslands og Litáens hafa gert með sér samkomulag um að íslenskir stjórnarerindrekar fái vinnuaðstöðu í sendiráði Litáens í Kænugarði. Íslensk stjórnvöld áforma að auka viðveru í Úkraínu og sýna úkraínsku þjóðinni þannig samstöðu á tímum ólögmæts innrásarstríðs Rússlands.

Starfsemi sendiráðs Íslands í Moskvu lögð niður

Starfsemi sendiráðs Íslands í Moskvu verður lögð niður frá og með deginum í dag, 1. ágúst. Fyrirsvar gagnvart Rússlandi og öðrum umdæmisríkjum sendiráðsins færist þar með til utanríkisráðuneytisins.

Samstarfsráðherra hélt opnunarávarp á Pride í Færeyjum

Heimsókn samstarfsráðherra Norðurlandanna, Guðmundar Inga Guðbrandssonar, til Færeyja í síðustu viku var viðburðarík. Megintilgangur heimsóknarinnar var þátttaka í gleðigöngunni í Þórshöfn (Føroyar Pride), auk funda með ráðherrum í ríkisstjórn landsins og heimsóknum til norrænna stofnana í Færeyjum.

Flugsveit þýska flughersins á Íslandi

Flugsveit þýska flughersins er væntanleg til landsins til æfinga og til að kynna sér aðstæður hér á landi. Um er að ræða sex Eurofighter Typhoon orrustuþotur ásamt fimmtíu liðsmönnum.

Staða Íslands gagnvart heimsmarkmiðunum kynnt á ráðherrafundi um sjálfbæra þróun

Staða Íslands og vinna í þágu heimsmarkmiða Sameinuðu þjóðanna verður kynnt á árlegum ráðherrafundi um sjálfbæra þróun í höfuðstöðvum Sameinuðu þjóðanna í New York í dag. Katrín Jakobsdóttir forsætisráðherra flytur myndbandsávarp.

Þingsályktunartillaga um alþjóðlega þróunarsamvinnu Íslands komin í Samráðsgátt

Þingsályktunartillaga um stefnu stjórnvalda um alþjóðlega þróunarsamvinnu hefur verið lögð fram í Samráðsgátt. Samkvæmt lögum skal utanríkisráðherra leggja fram tillögu um stefnu í alþjóðlegum þróunarmálum fimmta hvert ár, en stefnan sem nú er lögð fram nær til tímabilsins 2024-2028.…

Ísland eykur stuðning sinn við konur í Afganistan

Íslensk stjórnvöld hafa ákveðið að veita viðbótarframlög til stofnana og sjóða sem berjast fyrir mannréttindum kvenna og stúlkna í Afganistan.…

Leiðtogafundi Atlantshafsbandalagsins í Vilníus lokið

Tveggja daga leiðtogafundi Atlantshafsbandalagsins sem fram fór í Vilníus lauk í dag. Katrín Jakobsdóttir forsætisráðherra og Þórdís Kolbrún Reykfjörð Gylfadóttir utanríkisráðherra tóku þátt í fundinum.

Ráðherra ávarpaði málþing lýðræðisafla Belarús

Staða Belarús var umræðuefni á málsþingi sem haldið var á vegum skrifstofu Sviatlönu Tsikhanouskayu í Vilníus í morgun. Þórdis Kolbrún Reykfjörð Gylfadóttir utanríkisráðherra var meðal frummælenda á fundinum ásamt Tsikhanouskayu, João Cravinho utanríkisráðherra Portúgals, Mantas Adomėnas aðstoðarutanríkisráðherra Litáens og Lauri Tierala ráðherraritara í utanríkisráðuneyti Finnlands.

Tvö fyrirtæki fá styrki úr Heimsmarkmiðasjóði atvinnulífsins

Íslensku fyrirtækin Verkís og Fisheries Technologies hlutu á dögunum styrki til verkefna á sviði þróunarsamvinnu úr Heimsmarkmiðasjóði atvinnulífsins. Heildarframlag styrkja úr sjóðnum voru að þessu sinni tæplega 24 milljónir króna á móti framlagi fyrirtækjanna.

Forsætisráðherra og utanríkisráðherra sækja leiðtogafund Atlantshafsbandalagsins í Vilníus

Katrín Jakobsdóttir forsætisráðherra og Þórdís Kolbrún Reykfjörð Gylfadóttir utanríkisráðherra sækja leiðtogafund Atlantshafsbandalagsins sem hefst í Vilníus á morgun og stendur fram á miðvikudag.

Flutningar forstöðumanna sendiskrifstofa

Reglubundnir flutningar forstöðumanna sendiskrifstofa í utanríkisþjónustunni standa nú fyrir dyrum. Eftirtaldir flutningar taka formlega gildi á næstunni samkvæmt ákvörðun utanríkisráðherra.

Ísland kaupir búnað til sprengjuleitar fyrir Úkraínu

Ísland, ásamt Norðurlöndunum og Litáen, tekur þátt í leiða þjálfunarverkefni í sprengjuleit og eyðingu sem hófst í mars síðastliðnum. Í tengslum við verkefnið hefur verið ákveðið að Ísland leggi til grunnbúnað fyrir þátttakendur að andvirði um 50 milljóna króna og nýtist við þjálfunina. Búnaðurinn verður fluttur til Úkraínu að loknu hverju námskeiði.…

Samningur um réttindi á sviði almannatrygginga undirritaður við Bretland

Ísland, Liechtenstein og Noregur skrifuðu í dag undir samning við Bretland um samræmingu almannatrygginga. Samningurinn er gerður þar sem reglur EES-samningsins gilda ekki lengur um Bretland og kveður á um framtíðarfyrirkomulag hvað varðar réttindi á sviði almannatrygginga, aðallega lífeyrisréttindi og sjúkratryggingar þeirra sem fara eða flytjast milli landanna.

Ísland gerist aðili að Freedom Online Coalition

Ísland gerðist nýlega aðili að ríkjahóp um vernd mannréttinda á netinu, eða Freedom Online Coalition. Ísland varð 37. landið til þess að gerast aðili, en meðal aðildarríkja eru mörg nánustu samstarfsríki Íslands líkt og Norðurlöndin, Eystrasaltsríkin, Bandaríkin, Bretland, Kanada og Holland.…

Vinnustofa um öryggi neðansjávarinnviða haldin á öryggissvæðinu á Keflavíkurflugvelli

Um 70 sérfræðingar frá þátttökuríkjum sameiginlegu viðbragðssveitarinnar (Joint Expeditionary Force, JEF) og öðrum samstarfsríkjum komu saman á öryggissvæðinu á Keflavíkurflugvelli í vikunni til að taka þátt í vinnustofu um öryggi þjóðhagslega mikilvægra neðansjávarinnviða.

Fríverslunarsamningur við Moldóvu undirritaður á ráðherrafundi EFTA

Ráðherrar EFTA-ríkjanna og efnahagsmálaráðherra Moldóvu, Dumitru Alaiba, undirrituðu í dag nýjan fríverslunarsamning að viðstöddum forsætisráðherra Moldóvu, Dorian Recean. Undirritunin fór fram á ráðherrafundi EFTA sem haldinn var í Schaan í Liechtenstein í dag.…

Tvíhliða samstarf og viðskipti efst á baugi í heimsókn ráðherra til Grænlands

Tvíhliða samstarf Íslands og Grænlands, bæði pólitískt og efnahagslegt, var í brennidepli í heimsókn Þórdísar Kolbrúnar Reykfjörð Gylfadóttur utanríkisráðherra til Grænlands í vikunni.

Enduruppbygging í Úkraínu í brennidepli í London

Guðlaugur Þór Þórðarson, umhverfis-, orku- og loftslagsráðherra, sótti alþjóðlega ráðstefnu um enduruppbyggingu í Úkraínu sem fór fram í London dagana 21. og 22. júní.…

Hannes Heimisson afhendir forseta Úkraínu trúnaðarbréf

Hannes Heimisson, sendiherra Íslands í Varsjá, afhenti í gær Volodymyr Zelensky, forseta Úkraínu, trúnaðarbréf sitt sem sendiherra Íslands gagnvart Úkraínu. Athöfnin fór fram við kirkju heilgrar Soffíu í Kænugarði. Að lokinni athöfn átti sendiherrann tvíhliða fund með forsetanum.

Norrænt varnarsamstarf styrkist

Varnarmálaráðherrar Norðurlandanna ræddu þróun öryggismála, árásarstríð Rússlands gegn Úkraínu, aukið samstarf ríkjanna í öryggis- og varnarmálum og málefni Atlantshafsbandalagsins á tveggja daga fundi sínum á Íslandi. Svíþjóð fer með formennsku í norræna varnarsamstarfinu (NORDEFCO) en Ísland hélt ráðherrafund samstarfsins í Reykjavík og á öryggissvæðinu í Keflavík.

Ný skýrsla OECD um íslenskt efnahagslíf: Íslenska hagkerfið sýnir styrk en auka þarf aðhald fjármálastefnunnar

Staða efnahagsmála á Íslandi er góð og efnahagslegar afleiðingar heimsfaraldursins hafa að mestu gengið til baka. Þetta kemur fram í nýrri skýrslu Efnahags- og framfarastofnunarinnar (OECD) um Ísland, sem birt var í dag.

Aukin framlög til UNHCR vegna átakanna í Súdan

Alvarleg staða mannúðarmála vegna átakanna í Súdan var meginefni framlagaráðstefnu á vegum Sameinuðu þjóðanna sem fram fór í Genf í dag. Þórdís Kolbrún Reykfjörð Gylfadóttir utanríkisráðherra ávarpaði ráðstefnuna um fjarfundabúnað og tilkynnti um fimmtíu milljón króna viðbótarframlag Íslands til Flóttamannastofnunar Sameinuðu þjóðanna (UNHCR) sem leiðir viðbrögð Sameinuðu þjóðanna á svæðinu.

Varnarmálaráðherrar ræddu aukinn varnarviðbúnað Atlantshafsbandalagsins

Varnarmálaráðherrar Atlantshafsbandalagsins luku í dag tveggja daga fundi í Brussel þar sem árásarstríð Rússlands gegn Úkraínu, efling varnar- og fælingargetu svo og kjarnorkuvarnir bandalagsins voru efst á baugi.

Framlög aukin til mannúðarmála í Sýrlandi og grannríkjum

Framlög Íslands til mannúðarmála í Sýrlandi og grannríkjum munu nema samtals 840 milljónum króna næstu þrjú árin. Þórdís Kolbrún Reykfjörð Gylfadóttir utanríkisráðherra tilkynnti þetta á framlagaráðstefnu í Brussel í dag.

Skýrsla um stöðu heimsmarkmiðanna á Íslandi send til Sameinuðu þjóðanna

Íslensk stjórnvöld hafa sent svokallaða landrýniskýrslu (e. Voluntary National Review) um stöðu heimsmarkmiða Sameinuðu þjóðanna um sjálfbæra þróun til stofnunarinnar. Skýrslan verður kynnt á ráðherrafundi Sameinuðu þjóðanna um sjálfbæra þróun, High Level Political Forum on Sustainable Development, í New York þann 18. júlí nk.

Tómas H. Heiðar endurkjörinn dómari við Alþjóðlega hafréttardóminn

Tómas H. Heiðar var í dag endurkjörinn dómari við Alþjóðlega hafréttardóminn á fundi aðildarríkja hafréttarsamnings Sameinuðu þjóðanna í New York. Tómas hefur gegnt embætti dómara við dóminn frá árinu 2014 og verið varaforseti hans frá 2020.

Varnarmálaráðherrafundur JEF fór fram í Hollandi

Varnamálaráðherrar sameiginlegu viðbragðssveitarinnar (Joint Expeditionary Force, JEF) funduðu í Amsterdam í dag, þriðjudaginn 13. júní. Ráðherrarnir ræddu stuðning ríkjanna við Úkraínu, viðbrögð við fjölþáttaógnum og næstu verkefni samstarfsins sem hverfast meðal annars um að viðhalda öryggi og stöðugleika í Norður-Evrópu, á norðurslóðum, í Norður-Atlantshafi og á Eystrasaltssvæðinu.

Utanríkisráðherrar Norðurlanda funduðu á Ísafirði

Stuðningur við Úkraínu og alþjóðasamfélagið, samskiptin við Rússland og staða mannúðarmála í Afganistan voru ofarlega á baugi á utanríkisráðherrafundi Norðurlanda sem fram fór á Ísafirði í dag. Ísland er í formennsku norrænnar samvinnu í ár, þar á meðal í utanríkispólitísku samstarfi Norðurlanda, og því fer árlegur sumarfundur í samstarfinu fram hér á landi.

Íslenskir listamenn á ferð um heiminn

Utanríkisþjónusta Íslands tekur virkan þátt í ferðasýningunni Outside Looking In, Inside Looking Out sem verður á ferð og flugi um heiminn næstu tvö árin. Um er að ræða samstarfsverkefni Myndlistarmiðstöðvar, Íslandsstofu og sendiskrifstofa Íslands víða um heim sem ætlað er að kynna nýja kynslóð myndlistarmanna frá Íslandi en á hverjum stað verður lögð sérstök áhersla á einn listamann úr hópnum.

Utanríkisráðherrar Norðurlanda á Ísafirði

Utanríkisráðherrar Norðurlanda koma saman til reglubundins sumarfundar á Ísafirði í vikunni. Ísland er í formennsku norrænnar samvinnu í ár, þar á meðal í utanríkispólitísku samstarfi Norðurlanda, og því fer fundurinn fram hér á landi.

Nýr fjölmiðlafulltrúi utanríkisráðuneytisins

Ægir Þór Eysteinsson hefur verið ráðinn fjölmiðlafulltrúi utanríkisráðuneytisins. 21 sótti um stöðuna sem auglýst var 22. mars sl. en þrír drógu umsóknir sínar til baka.

Starfsemi sendiráðs Íslands í Moskvu lögð niður

Utanríkisráðherra hefur ákveðið að leggja niður starfsemi sendiráðs Íslands í Moskvu frá 1. ágúst næstkomandi. Sendiherra Rússlands var í dag kallaður í utanríkisráðuneytið og honum tilkynnt um þessa ákvörðun.

Öryggismál á norðurslóðum í brennidepli

Breyttar öryggishorfur á norðurslóðum, mikilvægi alþjóðalaga, bætt eftirlitsgeta og aukin varnarsamvinna lýðræðisríkjanna á norðurslóðum voru meðal þess sem Þórdís Kolbrún Reykfjörð Gylfadóttir utanríkisráðherra lagði áherslu á í opnunarávarpi sínu á málþingi um öryggismál á norðurslóðum í dag.

Niðurstöður úr jafningjarýni á þróunarsamvinnu Íslands kynntar

Jafningjarýni Þróunarsamvinnunefndar OECD (DAC) á alþjóðlegri þróunarsamvinnu Íslands hefur verið birt. Carsten Staur, formaður nefndarinnar kynnti helstu niðurstöður skýrslunnar og fór yfir styrkleika og áskoranir í alþjóðlegri þróunarsamvinnu Íslands á kynningarfundi á mánudag.…

Orkuöryggi, samfélagsleg þrautseigja ​og Úkraína rædd á ráðherrafundi Eystrasaltsráðsins

Málefni Úkraínu, samfélagsleg þrausteigja og aukið orkuöryggi á Eystrasaltssvæðinu voru ofarlega á baugi á fundi utanríkisráðherra Eystrasaltsráðsins í Wismar, Þýskalandi í dag. Í sameiginlegri yfirlýsingu lýstu utanríkisráðherrarnir algerri samstöðu með Úkraínu og fordæmdu harðlega innrásarstríð Rússlands í Úkraínu. Þá er vísað til niðurstaðna leiðtogafundar Evrópuráðsins í Reykjavík.

Utanríkisráðherrafundi Atlantshafsbandalagsins lokið

Undirbúningur fyrir leiðtogafund Atlantshafsbandalagsins í Vilníus í júlí og áframhaldandi stuðningur við Úkraínu voru helstu umfjöllunarefnin á óformlegum utanríkisráðherrafundi Atlantshafsbandalagsins í Ósló.

Samkomulag við Bretland um reikigjöld á fjarskiptaþjónustu

Samkomulag Íslands og Bretlands um hámarks heildsöluverð alþjóðlegrar reikiþjónustu tekur gildi í dag, 1. júní.

Herstjórnarmiðstöð JEF á Íslandi

Sameiginlega viðbragðssveitin (Joint Expeditionary Force, JEF) sem Bretar leiða ásamt Norðurlöndunum, Eystrasaltsríkjunum og Hollandi setur í æfingaskyni upp færanlega herstjórnarmiðstöð á öryggissvæðinu í Keflavík í júní.

Úkraína og Úganda efst á baugi Noregsheimsóknar

Áhrif innrásar Rússlands í Úkraínu, samvinna Íslands og Noregs og nýsamþykkt lög gegn hinsegin fólki í Úganda voru á meðal umræðuefna á fundum Þórdísar Kolbrúnar Reykfjörð Gylfadóttur með samstarfsráðherrum í Noregi í gær og í dag.

Þjálfun úkraínskra hermanna í bráðameðferð á stríðssvæðum

Ísland hefur hafið þátttöku í þjálfunarverkefni fyrir úkraínska hermenn sem Bretland leiðir.

Utanríkisráðherra skipar í útflutnings- og markaðsráð

Utanríkisráðherra hefur skipað fulltrúa til setu í útflutnings- og markaðsráð. Samkvæmt lögum um Íslandsstofu skipar utanríkisráðherra 31 fulltrúa í ráðið til fjögurra ára í senn.

Ríkisstjórnin styrkir verkefni um menningarsamstarf við Úkraínu

Ríkisstjórnin samþykkti á fundi sínum sl. föstudag að veita 5 milljónir króna af ráðstöfunarfé sínu til Háskóla Íslands vegna verkefnis um menningarsamstarf við Úkraínu. Þá hyggst utanríkisráðuneytið styrkja verkefnið um 4 milljónir króna.

Utanríkisráðherra í heimsókn í Vilníus

Staðan í Rússlandi á tímum innrásarstríðs í Úkraínu var umfjöllunarefni ráðstefnu í Vilníus sem Þórdís Kolbrún Reykfjörð Gylfadóttir utanríkisráðherra tók þátt í. Hún átti jafnframt fund með utanríkisráðherra Litáens í dag þar sem horfur í alþjóðamálum og tvíhliða samskipti ríkjanna voru efst á baugi.

Úkraína og losunarheimildir til umfjöllunar á EES-ráðsfundi

EES-ráðið, sem skipað er utanríkisráðherrum EFTA-ríkjanna í EES – Íslands, Liechtenstein og Noregs – og fulltrúum Evrópusambandsins, kom saman til reglulegs fundar í Brussel í dag.…

Stuðningur við eldsneytisflutninga úkraínska hersins

Til að styðja við varnarbaráttu Úkraínu gegn innrásarliði Rússlands hafa íslensk stjórnvöld fest kaup á tíu olíuflutningabílum fyrir úkraínska herinn. Tveir bílar voru afhentir í nýliðinni viku. ​

Utanríkisráðherra í opinberri vinnuheimsókn í Sviss

Tvíhliða samstarf Íslands og Sviss á, m.a. á sviði mannréttinda, efnahagsmála og grænna lausna voru meðal umræðuefna á fundi Þórdísar Kolbrúnar Reykfjörð Gylfadóttur utanríkisráðherra og Ignaccio Cassis utanríkisráðherra Sviss í Zürich dag. Utanríkisráðherra er þar stödd í opinberri vinnuheimsókn.

Norðurhópurinn ræðir þróun öryggismála í Norður-Evrópu

Í dag, 22. maí, funduðu varnarmálaráðherrar Norðurhópsins í Legionowo í nágrenni Varsjá undir formennsku Póllands. Rætt var um ógnir og áskoranir í Norðaustur-Evrópu í kjölfar árásarstríðs Rússlands gegn Úkraínu sem hefur umbreytt stöðu öryggismála.

Formennsku Íslands í Evrópuráðinu lokið

Leiðtogafundur Evrópuráðsins í Reykjavík markaði lok hálfs árs formennsku Íslands í ráðinu. Lettland hefur nú tekið við formennskukeflinu.

Ísland aðili að netvarnarsetri Atlantshafsbandalagsins

Ísland varð fyrr í þessari viku formlegur aðili að netöryggissetri Atlantshafsbandalagsins (NATO Cooperative Cyber Defence Centre of Excellence) í Tallin í Eistlandi. Fáni Íslands var dreginn að húni við hátíðlega athöfn 16. maí þar sem Harald Aspelund, sendiherra Íslands gagnvart Eistlandi, flutti ávarp.

Ályktanir í þágu Úkraínu og lýðræðis samþykktar á leiðtogafundi

Leiðtogar aðildarríkja Evrópuráðsins samþykktu Reykjavíkuryfirlýsinguna á fundi sínum í Reykjavík í dag og settu á stofn alþjóðlega tjónaskrá fyrir Úkraínu. Stuðningur við Úkraínu, ályktun í þágu úkraínskra barna, og skuldbinding ríkjanna við mannréttindi, lýðræði og réttarríkið voru megináherslur yfirlýsingarinnar.…

Bein útsending frá leiðtogafundi Evrópuráðsins - Dagur tvö

Leiðtogafundur Evrópuráðsins hafinn​

Ábyrgðarskylda vegna Úkraínu og grundvallargildi Evrópuráðsins eru meginumfjöllunarefni leiðtogafundar Evrópuráðsins sem hófst í Reykjavík í dag. Katrín Jakobsdóttir forsætisráðherra lagði áherslu á ríkan stuðning Evrópuráðsins og aðildarríkjanna við Úkraínu í ávarpi sem hún flutti við opnunarathöfnina.​

Bein útsending frá leiðtogafundi Evrópuráðsins

Hér má fylgjast með leiðtogafundi Evrópuráðsins í beinni útsendingu.

Bretar sinna loftrýmisgæslu við Ísland

Í tengslum við leiðtogafund Evrópuráðsins sem haldinn verður í Reykjavík dagana 16.-17. maí sinnir flugsveit breska flughersins loftrýmisgæslu við Ísland.

Vel heppnaðri ráðstefnu IDAHOT+ Forum lokið

Árlegri ráðstefnu IDAHOT+ Forum lauk í Hörpu í gær en um er að ræða einn mikilvægasta vettvang hinsegin málefna í Evrópu. Ráðstefnan var liður í formennsku Íslands Evrópuráðinu sem lýkur á leiðtogafundinum í næstu viku. Utanríkisráðherra brýndi í ávarpi sínu komandi formennskuríki til að láta sig málefni hinsegin fólks sérstaklega varða.

Leiðtogafundur Evrópuráðsins framundan í Reykjavík

Fjórði leiðtogafundur í sögu Evrópuráðsins fer fram í Reykjavík í næstu viku. Fyrir fundinum liggur að samþykkja formlega gerð sérstakrar skrár vegna þess tjóns sem innrás Rússlands hefur valdið Úkraínu og árétta mikilvægi þeirra gilda sem Evrópuráðið stendur vörð um. Mikill viðbúnaður er vegna fundarins og má búast við talsverðri röskun á umferð meðan hann stendur yfir.

Gjöf Íslands til Evrópuráðsins vegna leiðtogafundarins

Í tilefni af leiðtogafundi Evrópuráðsins gefur Ísland ráðherranefnd ráðsins útskorinn fundarhamar eftir listakonuna Sigríði Kristjánsdóttur. Fyrirmynd hamarsins er frægur fundarhamar Ásmundar Sveinssonar myndhöggvara.

Íslandsdagur í Strassborg

Íslenskar bókmenntir og kvikmyndir voru hafðar í öndvegi á Íslandsdeginum svokallaða sem haldinn var um helgina í Strassborg í tilefni af formennsku Íslands í Evrópuráðinu. Íslandsdagurinn var lokaviðburður menningardagskrár formennskunnar sem staðið hefur yfir í Strassborg frá því að Ísland tók við henni í nóvember síðastliðnum.

Yfirmaður herafla Atlantshafsbandalagsins í heimsókn á Íslandi

Christopher G. Cavoli, yfirmaður herafla Atlantshafsbandalagsins (SACEUR), er hér á landi í stuttri heimsókn. Hann átti í dag fund með Þórdísi Kolbrúnu Reykfjörð Gylfadótur utanríkisráðherra og kynnti sér starfsemi öryggissvæðisins á Keflavíkurflugvelli.

Góður árangur Íslands í frammistöðumati ESA

​Innleiðingarhalli Íslands hefur minnkað um helming á undanförnum misserum,​úr tveimur prósentum í eitt prósent. Þetta kemur fram í nýbirtu frammistöðumati frá Eftirlitsstofnun EFTA (ESA). Til samanburðar var árangur Noregs 1,5 prósent og Liechtenstein 0,4 prósent.

Fastafloti Atlantshafsbandalagsins með viðkomu á Íslandi

Fimm skip úr fastaflota Atlantshafsbandalagsins hafa nú skamma viðdvöl í Reykjavíkuhöfn. Skipin tóku þátt í kafbátaleitaræfingunni Dynamic Mongoose sem lýkur formlega í dag.

Sameiginlegt lið Íslands og Svíþjóðar sigurvegari netvarnaæfingar Atlantshafsbandalagsins

Sameiginlegt lið Íslands og Svíþjóðar bar sigur úr býtum á netvarnaræfingunni Skjaldborg (Locked Shields) sem fram fór á dögunum. Æfingin var skipulögð og haldin af netöryggissetri Atlantshafsbandalagsins í Tallinn í Eistlandi og er þetta í fyrsta sinn sem Ísland tekur þátt.

Ari Kristinn í stjórn nýsköpunarsjóðs Atlantshafsbandalagsins

Ari Kristinn Jónsson, fyrrverandi rektor Háskólans í Reykjavík og forstjóri netöryggisfyrirtækisins AwareGO hefur verið kosinn í stjórn nýs nýsköpunarsjóðs Atlantshafsbandalagsins (NATO Innovation Fund). Skrifað verður undir formlega stofnun sjóðsins á leiðtogafundi bandalagsins í Vilníus í júlí næstkomandi.

Utanríkisráðherrar NB8-ríkjanna í Odesa í Úkraínu

Utanríkisráðherrar Norðurlanda og Eystrasaltsríkja heimsóttu í dag úkraínsku hafnarborgina Odesa til að árétta stuðning sinn við stjórnvöld í landinu og undirstrika mikilvægi þess að kornútflutningur frá borginni gangi hindranalaust fyrir sig.

Utanríkisráðherrar NB8-ríkjanna heimsóttu Moldóvu

Aukinn stuðningur Norðurlanda og Eystrasaltsríkja við Moldóvu, öryggismál í Evrópu og aðild Moldóvu að Evrópusambandinu voru aðalumræðuefnin á fundum utanríkisráðherra NB8-ríkjanna með leiðtogum Moldóvu í Chisinau í dag.

Áyktun um samstarf Sameinuðu þjóðanna og Evrópuráðsins samþykkt

Allsherjarþing Sameinuðu þjóðanna samþykkti í gær ályktun um samstarf Sameinuðu þjóðanna og Evrópuráðsins með 122 atkvæðum. Ísland og Írland leiddu samningaviðræðurnar um ályktunardrögin sameiginlega en Ísland tók við formennsku í Evrópuráðinu af Írlandi í nóvember síðastliðnum.

Bandarískur kafbátur í þjónustuheimsókn

Fyrsta þjónustuheimsókn kafbáts á vegum bandaríska sjóhersins í íslenska landhelgi fór fram fyrr í dag. Vel gekk að flytja kost um borð í bátinn.

Utanríkisráðherra ávarpaði þing Evrópuráðsins

Þórdís Kolbrún Reykfjörð Gylfadóttir, utanríkisráðherra og forseti ráðherranefndar Evrópuráðsins lagði þunga áherslu á grunngildi Evrópuráðsins, mannréttindi, lýðræði og réttarríki, er hún ávarpaði þing Evrópuráðsins í Strassborg í dag.…

Umsækjendur um stöðu fjölmiðlafulltrúa utanríkisráðuneytisins

Alls barst 21 umsókn um stöðu fjölmiðlafulltrúa utanríkisráðuneytisins sem auglýst var þann 22 mars 2023 en umsóknarfrestur rann út 12. apríl sl. Einn umsækjandi dró umsóknina til baka.

Leiðtogafundurinn og formennska Íslands til umræðu á fundi utanríkisráðherra ESB

Undirbúningur fyrir leiðtogafund Evrópuráðsins í Reykjavík dagana 16. og 17. maí var aðalumfjöllunarefni fundar Þórdísar Kolbrúnar Reykfjörð Gylfadóttur utanríkisráðherra og utanríkisráðsherra Evrópusambandsins sem haldinn var í Lúxemborg í dag.

Kafbátaleitaræfingin Dynamic Mongoose 2023 hafin

Kafbátaeftirlitsæfingin Dynamic Mongoose 2023 fer fram dagana 24. apríl til 5. maí á hafsvæðinu milli Íslands og Noregs. Æfingin er á vegum Atlantshafsbandalagsins en Ísland er að þessu sinni gestgjafaríki hennar.

Rætt um þróun öryggismála og vaxandi varnarsamstarf Íslands og Bandaríkjanna

Árlegt samráð Íslands og Bandaríkjanna um öryggis- og varnarmál fór fram í Washington föstudaginn 21. apríl. Öryggishorfur í kjölfar árásarstríðs Rússlands gegn Úkraínu, ásamt auknum varnarviðbúnaði Atlanthafsbandalagsins og varnarsamvinna ríkjanna voru meðal helstu umræðuefna fundarins.

Alþjóðamálin í brennidepli á ráðstefnu síðasta vetrardag

Veigamiklir valkostir og afdrifaríkar ákvarðanir sem ríki heim og almenningur standa stöðugt frammi fyrir voru ofarlega á baugi í opnunarávarpi Þórdísar Kolbrúnar Reykfjörð Gylfadóttur á ráðstefnunni Alþjóðasamvinna á krossgötum sem fram fór í vikunni.

Upplýsingar um götulokanir vegna leiðtogafundar

Leiðtogafundur Evrópuráðsins verður haldinn í Hörpu dagana 16. og 17. maí næstkomandi. Um 40 leiðtogar hafa boðað komu sína og ljóst að umfang á öryggisráðstöfunum verður mikið. Svæðið í kringum Hörpu og í Kvosinni verður lokað fyrir umferð almennra ökutækja, nema viðbragðsaðila, frá kl. 23 mánudaginn 15. maí til kl. 18 miðvikudaginn 17. maí. Mynd af lokunarsvæðinu má finna hér neðar í fréttinni.

Bandarískir kafbátar í þjónustuheimsókn

Utanríkisráðherra hefur tilkynnt stjórnvöldum í Bandaríkjunum að kjarnorkuknúnum kafbátum bandaríska sjóhersins verði heimilt að hafa stutta viðkomu við Ísland til að taka á móti kosti og skipta út áhafnarmeðlimum. Þessi ákvörðun utanríkisráðherra er liður í stefnu íslenskra stjórnvalda að styðja við aukið eftirlit og viðbragðsgetu bandalagsríkja á Norður-Atlantshafi.

Nýir rammasamningar við landsnefndir UN Women og UNICEF og Félag Sameinuðu þjóðanna

Utanríkisráðherra hefur undirritað rammasamninga við landsnefndir UN Women og UNICEF á Íslandi auk Félags Sameinuðu þjóðanna á Íslandi. Samningarnir ná til kynningar- og fræðslumála á sviði alþjóðlegar þróunarsamvinnu og mannúðaraðstoðar.

Leiðtogar Evrópuráðsins lýsa yfir áhyggjum af heilsu Navalní

Þungum áhyggjum af hrakandi heilsu rússneska stjórnarandstæðingsins Alexei Navalní og illri meðferð rússneskra stjórnvalda á honum eru látnar í ljós í yfirlýsingu sem Þórdís Kolbrún Reykfjörð Gylfadóttir, utanríkisráðherra og forseti ráðherranefndar Evrópuráðsins, Tiny Kox forseti Evrópuráðsþingsins og Marija Pejčinović Burić, aðalframkvæmdastjóri Evrópuráðsins hafa sent frá sér. ​

Ísland styrkir sjóði Alþjóðabankans um enduruppbyggingu í Úkraínu

Ísland hefur ákveðið að leggja Úkraínu til 700 milljónir króna í gegnum sjóði Alþjóðabankans og var greint frá þeirri ákvörðun á fundi um málefni Úkraínu sem haldinn var í tengslum við vorfundi Alþjóðabankans og Alþjóðagjaldeyrissjóðsins í Washington D.C. á miðvikudag.

Ísland styrkir innviðaverkefni UNDP í Úkraínu

Íslensk stjórnvöld ætla að veita 72 milljónum króna til innviðaverkefnis Þróunaráætlunar Sameinuðu þjóðanna í Úkraínu. Markmiðið er að styrkja grunnorkuinnviði í landinu sem eru víða í lamasessi vegna árása Rússlands.

Rætt um þróun öryggismála í Norður-Evrópu

Yfirmenn herafla þátttökuríkja í sameiginlegu viðbragðssveitarinni (Joint Expeditionary Force, JEF) ræddu þróun öryggismála og samstarf um viðbúnað og viðbragð á Norður-Atlantshafi, norðurslóðum og Eystrasalti á fundi í Helsinki í dag.

Jákvæð niðurstaða í jafningjarýni á þróunarsamvinnu Íslands

Jafningjarýni Þróunarsamvinnunefndar OECD (DAC) á alþjóðlegri þróunarsamvinnu Íslands var tekin fyrir á fundi nefndarinnar í París fyrir helgi.…

Sögulegum utanríkisráðherrafundi Atlantshafsbandalagsins lokið

Sögulegum fundi Atlantshafsbandalagsins, þar sem Finnland tók í fyrsta sinn þátt sem bandalagsríki, lauk í Brussel í dag. Stuðningur bandalagsríkja við Úkraínu vegna innrásar Rússlands var sem fyrr í brennidepli sem og undirbúningur fyrir leiðtogafund í Vilníus í júlí.

Ályktun um stöðu mannréttinda í Íran samþykkt

Mannréttindaráð Sameinuðu þjóðanna samþykkti í dag árlega ályktun um ástand mannréttinda í Íran sem ríkjahópur undir forystu Íslands lagði fram. Ályktunin tryggir áframhaldandi umboð sérstaks skýrslugjafa til að fylgjast með og gefa mannréttindaráðinu reglubundna skýrslu um ástand mannréttindamála í Íran.

Ár liðið frá voðaverkunum í Bucha

Fórnarlamba voðaverka rússneska hersins í úkraínska bænum Bucha var minnst á ráðstefnu sem haldin var í Kænugarði í dag. Þórdís Kolbrún Reykfjörð Gylfadóttir ávarpaði ráðstefnuna.

Ráðuneytisstjórar NB8-ríkjanna ræddu stöðuna vegna Úkraínu

Stuðningur við Úkraínu vegna innrásar Rússlands og staða alþjóðakerfisins voru helstu umfjöllunarefnin á fundi ráðuneytisstjóra utanríkisráðuneyta Norðurlanda og Eystrasaltsríkja (NB8) sem fram fór í Ríga í Lettlandi í gær. Martin Eyjólfsson ráðuneytisstjóri utanríkisráðuneytisins tók þátt í fundinum fyrir Íslands hönd.

Ísland eykur stuðning við friðaruppbyggingu og sáttamiðlun á vegum Sameinuðu þjóðanna

Íslensk stjórnvöld hafa gert nýjan fjögurra ára samstarfssamning við skrifstofu alþjóðastjórnmála og friðaruppbyggingar hjá Sameinuðu þjóðunum, Department of Political and Peacebuilding Affairs, DPPA. Framlag Íslands verður tvöfalt hærra en fyrri samningur og framlagið nemur 20 milljónum króna á ári í takt við langtímaáætlun DPPA, sem gildir næstu fjögur árin, 2023-2026.

EFTA og Moldóva ná samkomulagi um fríverslunarsamning

EFTA-ríkin og Moldóva hafa komist að samkomulagi um fríverslunarsamning sem undirritaður verður á næsta ráðherrafundi EFTA í Liechtenstein í júní næstkomandi. Viðræðurnar tóku alls tvö ár og fóru lengst af fram í skugga innrásar Rússlands í Úkraínu. Einar Gunnarsson, sendiherra Íslands í Genf, leiddi viðræðurnar fyrir hönd EFTA-ríkjanna.

Einarður stuðningur Norðurlandanna við Úkraínu

Staða mála á alþjóðavettvangi var rædd á fjarfundi utanríkisráðherra Norðurlandanna í gær. Þórdís Kolbrún Reykfjörð Gylfadóttir utanríkisráðherra stýrði fundinum þar sem Ísland gegnir formennsku í samstarfi utanríkisráðherranna á þessu ári.…

Úkraínustríðið efst á baugi utanríkisráðherrafundar Íslands og Danmerkur

Stríðið í Úkraínu og formennska Íslands í Evrópuráðinu auk tvíhliða samskipta voru aðalumræðuefnin á fundi Þórdísar Kolbrúnar Reykfjörð Gylfadóttur utanríkisráðherra og Lars Løkke Rasmussen utanríkisráðherra Danmerkur í Kaupmannahöfn í dag.

Innviðaráðherra á fundum Evrópuráðsins

Sigurður Ingi Jóhannsson, innviðaráðherra, flutti ávarp á ráðstefnu sveitar- og héraðsstjórna í Evrópuráðinu í Strassborg í gær.

Gildi í alþjóðaviðskiptum í brennidepli á ársfundi Íslandsstofu

Þróun alþjóðamála á síðustu misserum gefur tilefni til að endurmeta þá hugmynd að samtvinnaðir viðskiptahagsmunir ríkja dugi til þess að tryggja friðsæld og framfarir. Þetta kom fram í ávarpi Þórdísar Kolbrúnar Reykfjörð Gylfadóttur utanríkisráðherra á ársfundi Íslandsstofu sem haldinn var í Grósku í dag undir yfirskriftinni "Skipta gildi máli í alþjóðaviðskiptum?".

Utanríkisráðherra ávarpaði ráðstefnu um þjóðaröryggi og alþjóðasamstarf

Í krafti smæðarinnar getur Ísland lagt meira af mörkum en margir telja í alþjóðasamstarfi á sviði öryggis- og varnarmála. Þetta er á meðal þess sem kom fram í opnunarerindi Þórdísar Kolbrúnar Reykfjörð Gylfadóttur utanríkisráðherra á málstofu um alþjóðasamvinnu og áskoranir samtímans á ráðstefnu þjóðaröryggisráðs og Alþjóðamálastofnunar Háskóla Íslands í Hörpu í dag.

Dómsmálaráðherrar 40 ríkja styðja alþjóðlega sakamáladómstólinn vegna málefna Úkraínu

Vonir bundnar við aukinn stuðning á leiðtogafundi Evrópuráðsins í Reykjavík í maí.

Skýrsla utanríkisráðherra um utanríkis- og alþjóðamál til umræðu á Alþingi

Árleg skýrsla utanríkisráðherra um utanríkis- og alþjóðamál var tekin til umræðu á Alþingi í dag. Skýrslan kemur að þessu sinni út í skugga alvarlegustu stríðsátaka í Evrópu frá seinna stríði og afmarkast við almanaksárið 2022.…

Þjálfun úkraínskra hermanna í sprengjuleit og sprengjueyðingu hafin

Þjálfun úkraínskra hermanna á sviði sprengjuleitar og sprengjueyðingar hófst í Litáen í vikunni. Um er að ræða samstarfsverkefni Norðurlandanna og Litáen og annast litáískir, norskir, sænskir og íslenskir sprengjusérfræðingar framkvæmdina.