Fréttir

Leita

Veldu ráðuneyti
Veldu verkefni
Veldu ár
Sýni 6101-6200 af 8581 niðurstöðum
30. júní 2022Menningar-٫ nýsköpunar- og háskólaráðuneytið

Færðu kanadísku bókasafni bókagjöf: 75 ár af stjórnmálasambandi Íslands og Kanada

Lilja Dögg Alfreðsdóttir, menningar- og viðskiptaráðherra, afhenti Whitehorse bókasafninu í Yukon fylki í Kanada íslenska bókagjöf og þakkaði fyrir höfðinglega gjöf sem sendiráð Kanada á Íslandi veitti íslenskum bókasöfnum á Akureyri og í Reykjavík fyrr á þessu ári, en árið 2022 markar 75 ára stjórnmálasamband Íslands og Kanada.

29. júní 2022Atvinnuvegaráðuneytið

Landbúnaðarháskólinn vinnur tillögur um kornrækt fyrir matvælaráðherra

Landbúnaðarháskóla Íslands hefur verið falið að vinna drög að aðgerðaáætlun til eflingar kornræktar. Áætlunin er unnin að beiðni Svandísar Svavarsdóttur matvælaráðherra í kjölfar funda með sérfræðingum á sviði kornræktar við Landbúnaðarháskólann. Mikilvægi innlendrar kornræktar hefur aukist verulega í takti við aukið vægi fæðuöryggis síðustu misseri.…

29. júní 2022Umhverfis-٫ orku- og loftslagsráðuneytið

Breytingar staðfestar á stjórnunar- og verndaráætlun Vatnajökulsþjóðgarðs

Umhverfis-, orku- og loftslagsráðherra hefur staðfest breytingar á stjórnunar- og verndaráætlun Vatnajökulsþjóðgarðs (3. útgáfa), að tillögu stjórnar þjóðgarðsins. Breytingarnar, sem gerðar eru samkvæmt ákvörðun stjórnar, fjalla um afmörkuð atriði er aðallega snúa að uppfærslu texta og korta vegna lagabreytinga og stækkana þjóðgarðsins.…

29. júní 2022Mennta- og barnamálaráðuneytið

Umsóknarfrestur um embætti skrifstofustjóra mennta- og barnamálaráðuneytisins og forstjóra Menntamálastofnunar framlengdur

Mennta- og barnamálaráðuneytið leitar að starfsmönnum í embætti skrifstofustjóra með stjórnunar- og leiðtogahæfni auk framúrskarandi hæfni í mannlegum samskiptum til að mæta þeim miklu áskorunum sem verða við samþættingu menntunar, íþrótta og æskulýðsmála við grunnhugmyndir farsældar á næstu árum.…

28. júní 2022Heilbrigðisráðuneytið

Eining um stjórn Landspítala - grein eftir heilbrigðisráðherra

Heilbrigðisráðherra mun á næstunni skipa Landspítala stjórn í samræmi við nýsamþykkt lög frá Alþingi. Í lögum hefur verið tryggð aðkoma fagráðs og starfsfólks að stjórninni. Einnig hefur 7 manna notendaráð verið skilgreint til að tryggja rödd notenda þjónustunnar. Ráðherra fjallar um mikilvægi þessarar lagasetningar í blaðagrein sem birtist í dag. Greinin er eftirfarandi:

28. júní 2022Heilbrigðisráðuneytið

Ferðamenn fá sjálfvirk skilaboð um hvert skuli leita þarfnist þeir heilbrigðisþjónustu

Frá og með deginum í dag fá allir komufarþegar á Keflavíkurflugvelli sjálfvirk SMS skilaboð á ensku með upplýsingum um hvert þeir skuli leita þurfi þeir á heilbrigðisþjónustu að halda. Markmiðið er að tryggja þeim greiðan aðgang að upplýsingum hvað þetta varðar og beina þeim á rétta staði í samræmi við þörf og aðstæður hverju sinni.…

28. júní 2022Menningar-٫ nýsköpunar- og háskólaráðuneytið

Ráðherra heimsótti kvikmyndaskóla í Vancouver

Kvikmyndaskólinn í Vancouver er framsækinn kvikmyndaskóli sem er leiðandi á heimsvísu í kvikmynda og sjónvarpsgerð. Skólinn starfar náið með atvinnulífinu í British Columbia en nemendur vinna með hinum ýmsu fyrirtækjum sem tengjast kvikmyndaiðnaði í skólaverkefnum sínum. Lilja Alfreðsdóttir menningar- og viðskiptaráðherra heimsótti Kvikmyndaskóla Vancouver á ferð sinni í Norður-Ameríku.

27. júní 2022Menningar-٫ nýsköpunar- og háskólaráðuneytið

Lilja heiðursgestur á skandínavísku sólstöðuhátíðinni í Kanada

„Ég er heilluð af samfélaginu hér og það er einstakt að upplifa hversu fólk er meðvitað um uppruna sinn og er stolt af honum. Hér kemur fólk saman til að fagna norrænni arfleið sinni og halda menningu okkar og sögu á lofti,“ segir Lilja Alfreðsdóttir, menningar- og viðskiptaráðherra, en hún var heiðursgestur á skandínavísku sólstöðuhátíðinni og ávarpaði hátíðina.…

25. júní 2022Mennta- og barnamálaráðuneytið

Ráðherra ræðir við íþróttahreyfinguna

Ásmundur Einar Daðason, mennta- og barnamálaráðherra, átti gott samtal við íþróttahreyfinguna á fundum með Íþrótta- og Ólympíusambandi Íslands, Knattspyrnusambandi Íslands og Fimleikasambandi Íslands í vikunni. Rætt var um eflingu íþróttastarfs, framtíð þjóðarleikvanga, íþróttaiðkun barna af erlendum uppruna og aldraðra, réttindi íþróttafólks og stuðning og samstarf við íþróttahreyfinguna.

24. júní 2022Forsætisráðuneytið, Utanríkisráðuneytið

Samkomulag um samstarf Hringborðs Norðurslóða – Arctic Circle, forsætisráðuneytis og utanríkisráðuneytis undirritað

Forsætisráðuneytið, utanríkisráðuneytið og Hringborð Norðurslóða – Arctic Circle hafa endurnýjað samkomulag um samstarf. Er samkomulaginu framlengt til ársloka 2026. Bryndís Hlöðversdóttir, ráðuneytisstjóri forsætisráðuneytisins, Martin Eyjólfsson, ráðuneytisstjóri utanríkisráðuneytisins, og Ásdís Ólafsdóttir, forstjóri Hringborðs Norðurslóða, undirrituðu samkomulagið fyrr í vikunni.

23. júní 2022Mennta- og barnamálaráðuneytið

Nýtt diplómanám á sviði farsældar barna hefst í haust

Nýtt diplómanám á sviði farsældar barna verður kennt í fyrsta skipti veturinn 2022–2023 við Félagsráðgjafardeild Háskóla Íslands. Námið er þverfaglegt og því er ætlað að styðja við innleiðingu nýrra laga um samþættingu þjónustu í þágu farsældar barna með því að veita nemendum þekkingu á barnamiðaðri nálgun, samþættingu þjónustu, hlutverkum tengiliða og málstjóra auk mælinga á árangri.…

22. júní 2022Utanríkisráðuneytið

Heimsmarkmiðasjóður atvinnulífs styrkir fimm fyrirtæki til þróunarsamvinnuverkefna

Fimm fyrirtæki á sviði heilbrigðistækni, jarðhitatækni og fiskveiða hljóta styrki til þróunarsamvinnuverkefna úr Heimsmarkmiðasjóði atvinnulífs um þróunarsamvinnu. Verkefnin koma til framkvæmda í Djíbútí, Eþíópíu, Indlandi, Víetnam og Úkraínu. Samningar þess efnis voru undirritaðir af fulltrúum fyrirtækjanna og ráðuneytisins í gær.…

20. júní 2022Heilbrigðisráðuneytið

Stefna í geðheilbrigðismálum til ársins 2030

Þingsályktun heilbrigðisráðherra um stefnu í geðheilbrigðismálum til ársins 2030 var samþykkt á Alþingi þann 15. júní með öllum greiddum atkvæðum. Stefnan tekur mið af ályktunum Alþingis um heilbrigðisstefnu og lýðheilsustefnu og er í henni lögð áhersla á grunngildi sem hvetja til einstaklingsmiðaðrar heilbrigðisþjónustu og stuðning við heilsueflingu á öllum æviskeiðum.…

16. júní 2022Utanríkisráðuneytið

Varnarmálaráðherrarnir ræddu Úkraínu og styrkingu varnargetu NATO

Varnarbarátta Úkraínu gegn grimmilegum stríðsrekstri Rússlands í 113 daga og áhrif þess á öryggisumhverfi Evró-Atlantshafssvæðisins, stuðningur bandalagsríkja við Úkraínu og efling fælingar og varnarstefnu Atlantshafsbandalagsins voru meginefni á fundi varnarmálaráðherra sem lauk í Brussel í dag. Þórdís Kolbrún Reykfjörð Gylfadóttir utanríkisráðherra tók þátt í fundinum fyrir hönd Íslands.

16. júní 2022Menningar-٫ nýsköpunar- og háskólaráðuneytið

Hærri endurgreiðslur vegna kvikmyndaframleiðslu samþykktar á Alþingi

Alþingi hefur samþykkt frumvarp Lilju Alfreðsdóttir menningar- og viðskiptaráðherra um að hækka endurgreiðslur vegna kvikmyndaframleiðslu á Íslandi úr 25% í 35%. Frumvarpið öðlast strax gildi en málið er hluti af stjórnarsáttmála ríkisstjórnarinnar og liður í kvikmyndastefnu fyrir Ísland til ársins 2030 sem menningarmálaráðherra kynnti árið 2020.

16. júní 2022Heilbrigðisráðuneytið

Frumvarp um nikótínvörur orðið að lögum

Alþingi hefur samþykkt frumvarp heilbrigðisráðherra um breytingu á lögum nr. 87/2018 sem felur í sér að nikótínvörur eru felldar undir lög um rafrettur þannig að í meginatriðum gilda þar með sömu reglur um þennan varning. Meginmarkmiðið er að tryggja gæði og öryggi nikótínvara og tryggja með tiltækum ráðstöfunum að börn kaupi hvorki né noti nikótínvörur og rafrettur og áfyllingar fyrir rafrettur.

15. júní 2022Menningar-٫ nýsköpunar- og háskólaráðuneytið

Viðspyrnuaðgerðir ríkisstjórnarinnar: Aukaúthlutun listamannalauna og Sviðslistasjóðs

Sviðslistasjóður veitir 25 milljónum króna til 9 verkefna leikárið 2022/23 í þessari auka úthlutun og fylgja þeim 42 listamannalaunamánuðir úr launasjóði sviðslistafólks, 8 mánuðir voru veittir þremur einstaklingum utan sviðslistahópa. Alls voru 200 mánuðir til úthlutunar listamannalauna, 50 mánuðir til sviðslistafólks og 150 til tónlistarflytjenda.

15. júní 2022Heilbrigðisráðuneytið

Jón Magnús leiðir viðbragðsteymi um bráðaþjónustu í landinu

Jón Magnús Kristjánsson hefur verið ráðinn í tímabundið verkefni til að leiða viðbragðstreymi heilbrigðisráðuneytisins um bráðaþjónustu í landinu vegna alvarlegrar stöðu innan hennar. Jón Magnús er sérfræðingur í bráðalækningum og fyrrum yfirlæknir bráðamóttöku Landspítalans. Hann er auk þess með MBA gráðu frá háskólanum í Reykjavík og hefur viðtæka starfsreynslu í heilbrigðiskerfinu.

15. júní 2022Mennta- og barnamálaráðuneytið

Streymi: Ráðherra kynnir nýtt skipulag í mennta- og barnamálaráðuneyti

Ásmundur Einar Daðason, mennta- og barnamálaráðherra, kynnir nýtt skipulag og áherslur í mennta- og barnamálaráðuneyti á Reykjavik Nordica Hilton á morgun, fimmtudaginn 16. júní kl. 8:30 – 9:30. Er fundurinn öllum opinn og eru áhugasamir sérstaklega hvattir til að mæta. Fundinum verður streymt beint á vef Mennta- og barnamálaráðuneytisins (linkur). Streymi á kynninguna (linkur).

14. júní 2022Fjármála- og efnahagsráðuneytið

Mínar síður á Ísland.is aðgengilegar fyrirtækjum

Mínar síður á Ísland.is eru í sífelldri þróun og eru nú aðgengilegar fyrirtækjum fyrir þá sem hafa prókúru. Prókúruhafar fyrirtækja hafa sjálfkrafa aðgang með eigin rafrænum skilríkjum og geta skipt milli aðganga. Innskráning fyrirtækja byggist á nýju innskráningar- og umboðskerfi sem þýðir að prókúruhafi mun geta veitt öðrum aðgang að Mínum síðum fyrirtækisins, sé þess þörf.