Athugið: Þessi frétt er meira en 5 ára gömul.
15 júlí 2016
/
Fjármála- og efnahagsráðuneytið
Matsfyrirtækið Standard & Poor's hefur staðfest BBB+/A-2 lánshæfiseinkunnir ríkissjóðs Íslands með stöðugum horfum
Alþjóðlega matsfyrirtækið Standard & Poor's hefur staðfest BBB+/A-2 lánshæfiseinkunnir ríkissjóðs Íslands með stöðugum horfum. Standard & Poor's reiknar með kröftugum hagvexti næstu árin, knúnum af ferðaþjónustu og öflugri einkaneyslu. Stöðugar horfur vega saman annars vegar möguleika á að jöfnuður ríkisfjármála og utanríkisviðskipta batni umfram væntingar næstu tvö árin og hins vegar áhættu vegna losunar fjármagnshafta og ofhitnunar hagkerfisins.
Standard & Poor´s breyttu síðast lánshæfismati ríkissjóðs úr BBB í BBB+ í janúar s.l. Það var hækkað í BBB í júlí 2015 en hafði þá verið í BBB- síðan í nóvember 2008, ýmist með neikvæðum, jákvæðum eða stöðugum horfum.