Athugið: Þessi frétt er meira en 5 ára gömul.
11 maí 2019
/
Forsætisráðuneytið
Félags- og húsnæðismálaráðuneytið
Menningar-٫ nýsköpunar- og háskólaráðuneytið
Þingfundur ungmenna 17. júní
Í tilefni af 75 ára afmæli lýðveldisins verður haldinn þingfundur ungmenna á aldrinum 13‒16 ára, 17. júní nk. Opnað hefur verið fyrir umsóknir til þátttöku í þingfundinum hér á vef Stjórnarráðsins, www.stjornarradid.is/ungthing.
Markmiðið með fundinum er að gefa ungu fólki kost á að kynna sér störf Alþingis og tækifæri til að koma málefnum sínum á framfæri við ráðamenn þjóðarinnar.
Þingfundurinn verður í beinni útsendingu á RÚV og vef Alþingis og einnig er samstarf við UngRÚV um upptökur og frekari kynningu.
Gert er ráð fyrir að 70 ungmenni hvaðanæva af landinu taki þátt í fundinum, hluti þeirra er tilnefndur af ýmsum ungmennaráðum og um helmingur verður valinn úr hópi umsækjenda.
Umsóknarfrestur er til 20. maí nk.