Athugið: Þessi frétt er meira en 5 ára gömul.
08 nóvember 2019
/
Fjármála- og efnahagsráðuneytið
Sótti evrópskan fund ráðherra fjármála og efnahagsmála
Bjarni Benediktsson fjármála- og efnahagsráðherra sótti í dag árlegan fund ráðherra fjármála- og efnahagsmála í ríkjum Evrópusambandsins, Ecofin, og EFTA. Fundurinn fór fram í Brussel.
Á fundinum var einkum rætt um sjálfbær fjármálakerfi og græna fjármögnun ríkjanna. Einnig var farið yfir stöðu efnahagsmála í EFTA-ríkjunum. Fjármála- og efnahagsráðherra ræddi stöðu og þróun efnahagsmála á Íslandi auk þess að greina frá góðum árangri Íslands í fyrstu útgáfum grænna skuldabréfa, en Landsvirkjun hefur m.a. lokið við slíka útgáfu sem tókst afar vel.
Í tengslum við fundinn var einnig haldinn sérstakur fundur fjármálaráðherra EFTA ríkjanna þar sem var m.a. rætt um framkvæmd EES-samningsins og innleiðingu evrópureglugerða í löndunum.
Á fundinum var einkum rætt um sjálfbær fjármálakerfi og græna fjármögnun ríkjanna. Einnig var farið yfir stöðu efnahagsmála í EFTA-ríkjunum. Fjármála- og efnahagsráðherra ræddi stöðu og þróun efnahagsmála á Íslandi auk þess að greina frá góðum árangri Íslands í fyrstu útgáfum grænna skuldabréfa, en Landsvirkjun hefur m.a. lokið við slíka útgáfu sem tókst afar vel.
Í tengslum við fundinn var einnig haldinn sérstakur fundur fjármálaráðherra EFTA ríkjanna þar sem var m.a. rætt um framkvæmd EES-samningsins og innleiðingu evrópureglugerða í löndunum.