Helga Sigríður skipuð í embætti rektors Menntaskólans við Sund

Helga Sigríður Þórsdóttir hefur verið skipuð rektor Menntaskólans við Sund. Hún hefur gegnt starfi konrektors MS frá árinu 2017 en áður starfaði hún sem deildastjóri og aðstoðardeildarstjóri við leikskóla í Noregi. Auk þess að vera farsæll stjórnandi hefur Helga Sigríður reynslu af verkefnastjórn, stefnumótun og innleiðingu umbótaverkefna við skólann.

Helga Sigríður hefur lokið BA gráðu í uppeldisfræði, félagsfræði og sögu við Háskólann í Karlsruhe í Þýskalandi, BA gráðu í þýsku og félagsfræði frá Háskóli Íslands og MA gráðu í stjórnunarfræðum menntastofnanna frá Háskóla Íslands. Þá hefur hún kennsluréttindi frá Kennaraháskóla Íslands.

Embætti rektors var auglýst 31. október sl. og sóttu þrjár konur um starfið.