Auglýst eftir skrifstofustjóra á skrifstofu stafrænna samskipta

Samgöngu- og sveitarstjórnarráðuneytið hefur auglýst til umsóknar stöðu skristofustjóra á skrifstofu stafrænna samskipta hjá ráðuneytinu. Leitað er að stjórnanda sem hefur brennandi áhuga, þekkingu og/eða reynslu af stafrænni þróun. Skipað verður í embætti skrifstofustjóra til fimm ára frá og með 1. júní nk.

Hlutverk skrifstofunnar er að leiða og styðja við stafræna þróun í samfélaginu m.a. með mótun og eftirfylgni stefnu á sviði fjarskipta- og upplýsingatækni þar með töldum netöryggismálum. Þá krefjast verkefni skrifstofunnar töluverðra alþjóðasamskipta.

Umsóknarfrestur er til og með föstudeginum 9. apríl nk. Sækja skal um starfið á Starfatorgi Stjórnarráðsins.

• Nánari upplýsingar um starfið á Starfatorgi