Framkvæmdir við nýtt rannsóknahús Landspítala í sjónmáli

NLSH auglýsti nýverið útboð vegna jarðvinnu fyrir nýtt rannsóknahús Landspítala við Hringbraut. Samkvæmt útboðinu á verkinu að vera lokið að fullu í desember á þessu ári. Undirbúningsvinna vegna framkvæmda við rannsóknahúsið hafa gengið að óskum og styttist í að byggingarnefndarteikningar liggi fyrir, að sögn verkefnastjóra á hönnunarsviði NLSH.

Jarðvinnan sem boðin hefur veri út felst í því að grafa fyrir fyrir nýju rannsóknahúsi á suðurhluta lóðarinnar við Hringbraut. Til verksins heyrir vinna við undirbúning uppgraftrarins í húsgrunni svo sem rif á malbikuðu bílastæði, rif á gasgeymsluskýli, förgun lagna og rafstrengja.

NLSH er opinbert hlutafélag, stofnað samkvæmt lögum um byggingu nýs Landspítala við Hringbraut í Reykjavík og hefur það hlutverk að hafa umsjón með og að stýra uppbyggingunni við Hringbraut fyrir hönd ríkisins. Hringbrautar verkefnið er samstarfsverkefni NLSH, Landspítala, heilbrigðisráðuneytisins,  Háskóla Íslands og Framkvæmdasýslu ríkisins.

• Nánari upplýsingar á vef NLSH