Fundað með Höllu Hrund, verðandi orkumálastjóra

Þórdís Kolbrún Reykfjörð Gylfadóttir, ráðherra orkumála, fundaði í gær með Höllu Hrund Logadóttur, sem skipuð hefur verið í embætti orkumálastjóra frá og með 19. júní næstkomandi.

Þær Þórdís Kolbrún og Halla ræddu ásamt embættismönnum ráðuneytisins um hin fjölbreyttu verkefni og tækifæri sem eru fram undan í orkumálum landsins.

Í lok fundarins var gengið formlega frá skipan í embættið með tilheyrandi undirskriftum.