Forsætisráðherra fékk afhenta aldarsögu Hæstaréttar Íslands ​

Katrín Jakobsdóttir forsætisráðherra tók í gær á móti Hæstiréttur í hundrað ár, nýútkominni aldarsögu Hæstaréttar Íslands.

Hæstiréttur átti aldarafmæli 16. febrúar 2020 og var þeirra tímamóta minnst með því að ráðist var í ritun á sögu Hæstaréttar. Bókin kemur út hjá Hinu íslenska bókmenntafélagi.

Forseti Hæstaréttar, Benedikt Bogason, afhenti Katrínu Jakobsdóttur bókina í Stjórnarráðinu og með í för var höfundur ritsins, Arnþór Gunnarsson sagnfræðingur og Jón Sigurðsson, forseti Hins íslenska bókmenntafélags.