Lumar þú á sparnaðarlausn sem nýtist í opinberum rekstri?

Hinn árlegi Nýsköpunardagur hins opinbera fer fram 24. maí. Þemað í ár er Nýsköpun í opinberum sparnaði en að viðburðinum stendur Ríkiskaup í samvinnu við, Fjártækniklasann og Fjársýsluna, fjármála- og efnahagsráðuneytið og háskóla-, iðnaðar- og nýsköpunarráðuneytið. 

Aðstandendur viðburðarins leita nú til nýskapandi hugmyndasmiða sem luma á sparnaðarlausnum sem nýtast í opinberum rekstri. Nýsköpunardagur hins opinbera hefur verið vel sóttur síðustu ár, bæði af stofnunum og sveitarfélögum. Þannig er þátttaka í viðburðinum kjörið tækifæri til að stíga á svið og kynna nýjar lausnir.

Hægt er að senda inn upplýsingar um lausnir með því að smella hér.