Auglýst eftir umsóknum um styrki úr lýðheilsusjóði

Auglýst er eftir umsóknum um styrki úr lýðheilsusjóði árið 2024. Umsóknarfrestur er til 15. nóvember næstkomandi. Lýðheilsusjóður starfar á grundvelli laga um landlækni og lýðheilsu og er hlutverk hans að styrkja lýðheilsustarf í samræmi við markmið laganna og stuðla þannig að heilsueflingu og forvörnum.

Heilbrigðisráðherra ráðstafar fé úr lýðheilsusjóði að fengnum tillögum stjórnar sjóðsins og í samræmi við reglugerð um lýðheilsusjóð. Embætti landlæknis annast daglega umsýslu með sjóðnum. 

Við úthlutun styrkja að þessu sinni verður áhersla lögð á:

• Aðgerðir sem miða að því að efla geðheilsu
• Aðgerðir sem miða að því að efla félagsfærni
• Aðgerðir sem miða að heilbrigðu mataræði, svefni og hreyfingu
• Áfengis, vímu- og tóbaksvarnir
• Verkefni sem tengjast kynheilbrigði
• Verkefni sem beinast að minnihlutahópum til að stuðla að jöfnuði til heilsu
• Aðgerðir sem stuðla að jafnvægi þéttbýlis og dreifbýlis

Nánari upplýsingar um forsendur fyrir umsóknum um styrki úr lýðheilsusjóði eru á vef embættis landlæknis ásamt aðgangi að rafrænni umsóknargátt.

• Tilkynning um umsóknir í lýðheilsusjóð 2024 á vef embættis landlæknis