Skipun stjórnar Nýsköpunarsjóðsins Kríu 2025-2028

Skipað hefur verið í stjórn Nýsköpunarsjóðsins Kríu sem verður til við sameiningu Nýsköpunarsjóðs atvinnulífsins (NSA) og Kríu – sprota- og nýsköpunarsjóðs um næstkomandi áramót.

Nýsköpunarsjóðnum Kríu er ætlað að veita stuðning við nýsköpun í formi fjármögnunar og mun sjóðurinn geta beitt fjölbreyttum aðferðum við fjármögnun  í samræmi við stöðu fjármögnunarumhverfis og stefnu stjórnvalda hverju sinni. Sjóðnum er ætlað að ná til sprota- og nýsköpunarfyrirtækja, vísisjóða og annarra aðila, svo sem þeirra sem vinna að nýskapandi lausnum við samfélagslegum áskorunum, sjálfbærni og grænum umskiptum.

Stjórn Nýsköpunarsjóðsins Kríu 2025-2028:

• Svanhildur Nanna Vigfúsdóttir, formaður, án tilnefningar
•     Varamaður hennar er Pétur Már Halldórsson
• Ásta Dís Óladóttir, án tilnefningar
•     Varamaður hennar er Agnar Möller
• Sigríður Mogensen, tilnefnd af Samtökum atvinnulífsins
•     Varamaður hennar er Páll Ásgeir Guðmundsson
• Guðmundur Halldór Björnsson, tilnefndur af fjármála- og efnahagsráðuneytinu
•     Varamaður hans er Ingunn Agnes Kro
• Róbert Farestveit, tilnefndur af Alþýðusambandi Íslands
•     Varamaður hans er Eyrún Valsdóttir

Í lögum um sjóðinn segir að stjórn Nýsköpunarsjóðsins Kríu sé skipuð fimm einstaklingum til þriggja ára í senn. Stjórnin skal þannig skipuð: einn samkvæmt tilnefningu Samtaka atvinnulífsins, einn samkvæmt tilnefningu Alþýðusambands Íslands, einn samkvæmt tilnefningu þess ráðherra sem fer með fjárreiður ríkisins og tveir án tilnefningar. Skal annar þeirra síðastnefndu skipaður formaður.