Kristján Arnar Ingason skipaður í embætti skólameistara Framhaldsskólans í Mosfellsbæ

Guðmundur Ingi Kristinsson, mennta- og barnamálaráðherra, hefur skipað Kristján Arnar Ingason í embætti skólameistara Framhaldsskólans í Mosfellsbæ til fimm ára frá 1. desember næstkomandi.

Kristján Arnar hefur starfað sem deildarstjóri í Breiðholtsskóla frá árinu 2024 en áður starfaði hann sem skólastjóri í grunnskólanum á Ísafirði og stýrði Birkimelsskóla auk þess að hafa starfað í Fellaskóla og Réttarholtsskóla.

Kristján hefur lokið M.Ed. gráðu í stjórnun menntastofnana frá Háskóla Íslands og B.Ed. gráðu til kennsluréttinda frá Kennaraháskóla Íslands.

Alls sóttu sjö um embættið.