Boðar til heilbrigðisþings 20. nóvember helgað endurhæfingu

Alma D. Möller heilbrigðisráðherra boðar til heilbrigðisþings ársins 2025 sem helgað verður heilbrigðistengdri endurhæfingu. Þingið verður haldið fimmtudaginn 20. nóvember kl. 9.00-16.00 á Hótel Hilton Nordica. Skráning er hafin.

Á þinginu verður farið stuttlega yfir sögu, þróun endurhæfingar á Íslandi og fjallað um stöðu hennar í dag. Uppstilling þjónustukeðjunnar, snemmtæk íhlutun, samræmt mat á endurhæfingarþörfum og gagnreyndar árangursmælingar verða einnig til umræðu. Síðast en ekki síst verður horft til framtíðar og ræddar ýmsar áskoranir sem sjá má fyrir, m.a. vegna lýðfræðilegrar þróunar og hvernig megi takast á við þær sem best.

Skráning þátttöku og nánari upplýsingar eru á vefsvæði þingsins.

• https://www.stjornarradid.is/heilbrigdisthing25