Ný stjórn Samkeppniseftirlitsins skipuð

Hanna Katrín Friðriksson atvinnuvegaráðherra hefur skipað nýja stjórn Samkeppniseftirlitsins.

Aðalmenn stjórnar eru:

• Margrét Einarsdóttir, doktor í lögfræði og prófessor við lagadeild Háskólans í Reykjavík, stjórnarformaður
• Björg Árnadóttir, MBA og framkvæmdastjóri Midgard Adventure
• Kári Joensen, hagfræðingur og lektor við Háskólann á Bifröst

Varamenn eru:

• Helga Reynisdóttir, LL.M og héraðsdómslögmaður hjá AM Praxis
• Kári Kristjánsson, hagfræðingur hjá Hagfræðistofnun Háskóla Íslands
• Steindór Dan Jensen, lögfræðingur hjá atvinnuvegaráðuneytinu

Skipun stjórnar gildir frá 11. nóvember 2025 til 11. nóvember 2029. Hlutverk stjórnar er að móta áherslur í starfi og fylgjast með starfsemi og rekstri Samkeppniseftirlitsins.

Samkeppniseftirlitinu ber að ná markmiðum samkeppnislaga með því að vinna gegn óhæfilegum hindrunum og takmörkunum á frelsi í atvinnurekstri, vinna gegn skaðlegri fákeppni og samkeppnishömlum og auðvelda aðgang nýrra keppinauta að markaðnum.

Hlutverk Samkeppniseftirlitsins felur m.a. eftirfarandi í sér:

• Að framfylgja boðum og bönnum samkeppnislaga og eftir atvikum 53. og 54. gr. EES-samningsins (samningur um evrópskt efnahagssvæði) og leyfa undanþágur skv. samkeppnislögum
• Að ákveða aðgerðir gegn samkeppnishamlandi hegðun fyrirtækja
• Að gæta þess að aðgerðir opinberra aðila takmarki ekki samkeppni og benda stjórnvöldum á leiðir til þess að gera samkeppni virkari og auðvelda aðgang nýrra keppinauta að markaðnum
• Að fylgjast með þróun á samkeppnis- og viðskiptaháttum á einstökum mörkuðum í íslensku viðskiptalífi og kanna stjórnunar- og eignatengsl milli fyrirtækja

Vefur Samkeppniseftirlitsins