Niðurstaða úthlutunar á tollkvótum á landbúnaðarvörum sem taka gildi 1. janúar 2026

Niðurstaða úthlutunar á tollkvótum á landbúnaðarvörum sem taka gildi 1. janúar 2026

Nýverið lauk úthlutunarferli tollkvóta á landbúnaðarvörum sem taka allir gildi 1. janúar nk. og gilda ýmist í 6 eða 12 mánuði. Í nær öllum tilvikum var umfram eftirspurn eftir tollkvótum og var þeim því úthlutað með útboði. Um er að ræða tollkvóta sem veita heimild til innflutnings á kjöti, unnum kjötvörum, ostum og plöntum án tolla eða á lægri tollum en tollskrá segir til um. Um niðurstöður hverrar úthlutunar má lesa að neðan.

Niðurstöður úthlutunar á ESB tollkvótum

Mánudaginn 15. desember síðastliðinn rann út tilboðsfrestur í tollkvóta vegna innflutnings á landbúnaðarafurðum frá Evrópusambandinu samkvæmt reglugerð nr. 1248/2025 fyrir tímabilið 1. janúar 2026 til 30. júní 2026. Útboðsgjald tollkvóta ræðst af lægsta samþykkta tilboði í hverjum vörulið, þ.e. jafnvægisverði. Tilboð eru samþykkt frá hæsta boði til þess lægsta innan þess magns tollkvóta sem í boði er. Samtals bárust 27 tilboð í tollkvótann.

Magni tollkvóta sem auglýst var til umsóknar var úthlutað að fullu. Samanlagt var 1.906 tonna tollkvóta úthlutað og var meðalútboðsgjald 617 kr./kg.

 

Vörulýsing	Tollkvóta úthlutað (kg)	Fjöldi samþykktra tilboða	Jafnvægisverð (kr./kg)
Nautgripakjöt	348.000	11	760
Svínakjöt	350.000	8	380
Alifuglakjöt	428.000	12	620
Alifuglakjöt (*)	100.000	2	460
Reykt og saltað kjöt	50.000	10	440
Sérostur (**)	115.000	9	0
Ostur	190.000	11	901
Pylsur	125.000	14	589
Unnar kjötvörur	200.000	12	1.000

(*) alifuglakjöt lífrænt ræktað/lausagöngu, í vörulið úr 0207
(**) skráð í samræmi við reglugerð ráðsins (EB) nr. 1151/2012 um vernd landfræðilegra merkinga og uppruna landbúnaðarafurða og matvæla. Úthlutað með hlutkesti.

 

Nánari upplýsingar um niðurstöður útboðsins má finna hér.

Niðurstöður úthlutunar á tollkvótum vegna innflutnings á ostum frá Noregi

Mánudaginn 15. desember síðastliðinn rann út tilboðsfrestur í tollkvóta vegna innflutnings á vegna innflutnings á smurostum frá Noregi, samkvæmt reglugerð nr. 1246/2025 fyrir tímabilið 1. janúar 2026 til 31. desember 2026. Útboðsgjald tollkvóta ræðst af lægsta samþykkta tilboði í hverjum vörulið, þ.e. jafnvægisverði. Tilboð eru samþykkt frá hæsta boði til þess lægsta innan þess magns tollkvóta sem í boði er. Samtals bárust 3 tilboð í tollkvótann.
Magni tollkvóta sem auglýst var til umsóknar var úthlutað að fullu. Alls var 13 tonna tollkvóta úthlutað og var meðalútboðsgjald 1 kr./kg.

 

Vörulýsing	Tollkvóta úthlutað (kg)	Fjöldi samþ. tilboða	Jafnvægisverð (kr./kg)
Smurostur	13.000	3	1

 

Nánari upplýsingar um niðurstöður útboðsins má finna hér.

Niðurstöður úthlutunar á tollkvótum vegna innflutnings á ostum og unnum kjötvörum frá Bretlandi

Mánudaginn 15. desember síðastliðinn rann út tilboðsfrestur í tollkvóta vegna innflutnings á ostum og unnum kjötvörum, með vísan til reglugerðar nr. 1249/2025 fyrir tímabilið 1. janúar 2026 til 31. janúar 2026. Útboðsgjald tollkvóta ræðst af lægsta samþykkta tilboði í hverjum vörulið, þ.e. jafnvægisverði. Tilboð eru samþykkt frá hæsta boði til þess lægsta innan þess magns tollkvóta sem í boði er. Samtals bárust 11 tilboð í tollkvótann.

Magni tollkvóta sem auglýst var til umsóknar var úthlutað að fullu. Samanlagt var 48,3 tonna tollkvóta úthlutað og var meðalútboðsgjald 551 kr./kg.

 

Vörulýsing	Tollkvóta úthlutað (kg)	Fjöldi samþ. tilboða	Jafnvægisverð (kr./kg)
Sérostur **	11.000	7	0
Ostur	19.000	5	725
Unnar kjötvörur	18.300	2	701

 

Nánari upplýsingar um niðurstöður útboðsins má finna hér.

Niðurstöður úthlutunar á tollkvótum fyrir plöntur og blóm

Mánudaginn 15. desember síðastliðinn rann út tilboðsfrestur í tollkvóta vegna innflutnings á blómum með vísan til 65. gr. búvörulaga nr. 99/1993 og til reglugerðar um úthlutun á tollkvótum vegna innflutnings á blómum, trjám o.fl. nr. 1247/2025 fyrir tímabilið 1. janúar 2026 til 30. júní 2026. Útboðsgjald tollkvóta ræðst af lægsta samþykkta tilboði í hverjum vörulið, þ.e. jafnvægisverði. Tilboð eru samþykkt frá hæsta boði til þess lægsta innan þess magns tollkvóta sem í boði er. Samtals bárust 5 tilboð í tollkvótann.
Magni tollkvóta sem auglýst var til umsóknar var ekki úthlutað að fullu, en engar umsóknir bárust í pottaplöntur en blómstrandi plöntum var úthlutað á grundvelli umsókna. Samanlagt var 177.450 stk. tollkvóta úthlutað og var meðalútboðsgjald 42 kr./stk.

 

Vörulýsing	Tollkvóta úthlutað (stk.)	Fjöldi samþ. tilboða	Jafnvægisverð (kr./stk.)
Blómstrandi plöntur	200	-	-
Pottaplöntur	0	-	-
Rósir	2.000	4	60
Tryggðarblóm	9.000	3	63
Afskorin blóm	166.250	4	41

Nánari upplýsingar um niðurstöður útboðsins má finna hér.