Hækkun lágmarksverðs mjólkur

Verðlagsnefnd búvara hefur tekið ákvörðun um hækkun lágmarksverðs mjólkur til bænda og heildsöluverðs mjólkur og mjólkurafurða sem nefndin verðleggur.

Eftirfarandi verðbreyting tók gildi 5. febrúar 2025:

• Lágmarksverð 1. fl. mjólkur til bænda hækkar um 0,89% úr 141,39 kr./ltr í 142,65 kr./ltr.

Eftirfarandi verðbreyting tekur gildi 16. febrúar 2026:

• Heildsöluverð mjólkur og mjólkurvara sem nefndin verðleggur hækkar um 0,89%.

Hækkun lágmarksverðs mjólkur til bænda er til komin vegna kostnaðarhækkana við framleiðslu mjólkur frá síðustu verðákvörðun sem byggði á verðlagi í september 2025.

Verðlagsgrundvöllur kúabús hækkar um 0,89% frá september til desember 2025.

Heildsöluverð á mjólk og mjólkurvörum hækkar um sem nemur veginni kostnaðarhækkun vegna hráefniskaupa og hækkun vinnslu- og dreifingarkostnaðar. Síðast var verðlagt á heildsölustigi í september, byggt á verðlagi í júní.

Breytingar á heildsöluverði mjólkur og mjólkurvara byggja á kostnaðarbreytingum frá júní til desember 2025 en á sama tíma hækkaði vísitala neysluverðs um 1,42%.