25 febrúar 2026

/

Menningar-٫ nýsköpunar- og háskólaráðuneytið

Stjórn Grænlandssjóðs auglýsir eftir umsóknum - frestur til 22. apríl n.k

{image.Description}
Gárur á vatni

Stjórn Grænlandssjóðs auglýsir eftir umsóknum um styrki úr sjóðnum fyrir árið 2026.

Sjóðurinn starfar samkvæmt lögum nr. 108/2016 og hefur það hlutverk að efla samskipti Grænlands og Íslands. Sjóðurinn veitir styrki til kynnisferða, námsdvalar, listsýninga, íþróttaviðburða og annarra málefna á sviði menningar, menntunar og vísinda, sem geta stuðlað að auknum samskiptum landanna.

Til úthlutunar í ár eru 4,5  m.kr. Umsóknum skal beint til stjórnar Grænlandssjóðs og þær sendar menningar-, nýsköpunar- og háskólaráðuneytinu, Reykjastræti 8, 101 Reykjavík eða í tölvupósti á [email protected]. Umsóknir skulu berast í síðasta lagi 22. apríl nk.

Athygli er vakin á því að einungis er tekið við umsóknum á þar til gerðum eyðublöðum. Allar nánari upplýsingar og umsóknareyðublöð má finna á heimasíðu Grænlandssjóðs á vef ráðuneytisins.

Sjá einnig:

 


Gárur á vatni