Loftferðasamningur Íslands og Suður-Kóreu hefur öðlast gildi

Loftferðasamningur milli Íslands og Lýðveldisins Kóreu (Suður-Kóreu) hefur öðlast gildi, eftir að bæði ríkin staðfestu samninginn í samræmi við ákvæði hans um gildistöku.

Samningurinn tók formlega gildi 17. apríl síðastliðinn. Hann kveður á um gagnkvæmar heimildir til áætlunarflugs milli Íslands og Suður-Kóreu og er til þess fallinn að efla tengsl ríkjanna og flugsamgöngur þeirra á milli.

Hér er að finna yfirlit yfir loftferðasamninga Íslands.

Sjá frétt um undirritun loftferðasamningsins við Suður-Kóreu í desember 2025.