Flug til Vestmannaeyja styrkt út maímánuð

Innviðaráðuneytið hefur framlengt samning um stuðning við áætlunarflug milli Vestmannaeyja og Reykjavíkur um tvær vikur, eða til og með 31. maí nk. Áfram verður flogið tvisvar á dag alla daga vikunnar á þessu tímabili. Þetta er gert til að koma til móts við alvarlega stöðu í samgöngumálum Vestmannaeyja síðustu vikur.

Við framlengingu um síðustu mánaðamót var tíðni flugferða aukin og ákveðið að fljúga tvisvar á dag, alla daga vikunnar.

• Frétt um viðbrögð við stöðu samgöngumála í Vestmannaeyjum (28. apríl 2026)