Hver voru helstu samningsmarkmið Íslands á sviði sjávarútvegs í aðildarviðræðunum árin 2009 - 2013?

Til upplýsingar: Þessi upplýsingamoli var birtur á vef utanríkisráðuneytisins sem hluti af sérstakri upplýsingasíðu sem sett var í loftið í aðdraganda þjóðaratkvæðagreiðslu um framhald aðildarviðræðna við Evrópusambandið sem fram fór 29. ágúst 2026. Þjóðaratkvæðagreiðslan, sem haldin var á grunni stefnuyfirlýsingar ríkisstjórnarinnar frá 21. desember 2024, fór þannig að 52,8% Íslendinga hafnaði því að aðildarviðræður við Evrópusambandið yrðu teknar upp að nýju. Já sögðu 47,2% kjósenda en þátttaka í atkvæðagreiðslunni var 82,6%.

--------

Hver voru helstu samningsmarkmið Íslands á sviði sjávarútvegs í aðildarviðræðunum 2009 - 2013 og hver var staða þeirra þegar viðræður voru settar á ís árið 2013?

Fjallað er um sjávarútvegsmál í 13. kafla aðildarviðræðanna. Sá kafli hafði ekki verið opnaður þegar hlé var gert á viðræðum 2013 og Ísland hafði ekki lagt fram samningsafstöðu.

Samningsmarkmið Íslands voru:

• Hafsvæðið í kringum Ísland skilgreint sem sérstakt fiskveiðistjórnunarsvæði.
• Íslensk stjórnvöld með forræði á stjórn veiða, ákvörðun heildarafla og skiptingu aflaheimilda innan íslenskrar efnahagslögsögu.
• Takmarka fjárfestingar erlendra aðila í íslenskum sjávarútvegi, m.a. með ákvæðum um efnahagsleg tengsl milli útgerðar og vinnslu við heimahöfn skips.
• Ákvæði sem bindi heimildir til fjárfestinga í sjávarútvegi við búsetu.
• Eins víðtækt forsvar í hagsmunagæslu á alþjóðavettvangi og kostur er.

Nánar um málið í minnisblaði sem utanríkisráðherra vann að beiðni utanríkismálanefndar, dags. 17. apríl 2026.

Ítarefni: 

Sjá VI. kafla í nefndarálit meiri hluta utanríkismálanefndar Alþingis um þingsályktunartillögu um aðildarumsókn að Evrópusambandinu árið 2009.