Áætlun um innleiðingu EES-gerða á fjármálamarkaði birt í samráðsgátt

Fjármála- og efnahagsráðuneytið hefur birt í samráðsgátt stjórnvalda áætlun um innleiðingu EES-gerða á fjármálamarkaði.

Stór hluti af löggjöf á sviði fjármálamarkaðar á rætur að rekja til tilskipana og reglugerða sem Evrópusambandið samþykkir og eru svo teknar upp í EES-samninginn. Í áætluninni er greint frá því hvernig ráðuneytið áformar að forgangsraða vinnu við innleiðingu gerða sem fyrirséð er að verði teknar upp í EES-samninginn og á eftir að leiða í landslög. Gerðirnar varða meðal annars varfærniskröfur til banka, græn skuldabréf, ökutækjatryggingar og aðgang að upplýsingum um fjármálamarkað.

Frestur til að senda umsagnir um áætlunina er til og með 20. ágúst næstkomandi.

• Málið í samráðsgátt stjórnvalda