NOTE: This article is more than 5 years old.
07 október 2000
/
Nr. 074, 7. október 2000. Árnaðaróskir til réttkjörins forseta Júgóslavíu
FRÉTTATILKYNNING
frá utanríkisráðuneytinu
________
Nr. 074
Halldór Ásgrímsson utanríkisráðherra sendi í dag árnaðaróskir í skeyti til Vojislav Kostunica réttkjörins forseta Júgóslavíu. Hann fagnaði því að íbúar Júgóslavíu hefðu valið sér leið lýðræðis og umbóta og hafnað Milosevic og einangrun landsins á alþjóðavettvangi. Í skeyti utanríkisráðherra kemur fram að nú sé tækifæri til að hefja friðsamlegt uppbyggingarstarf í landinu ásamt því að vinna að eflingu lýðræðis og mannréttinda í samstarfi við Evrópuríki og alþjóðastofnanir. Lýðræðisleg Júgóslavía hefði miklu hlutverki að gegna fyrir varanlegan stöðugleika á Balkanskaga.
Utanríkisráðuneytið
Reykjavík, 7. október 2000.