Nýtt húsnæði sýslumannsins á Stykkishólmi

Fréttatilkynning

Dómsmálaráðherra, Sólveig Pétursdóttir, mun vígja nýtt húsnæði embættis sýslumannsins á Stykkishólmi föstudaginn 20. október nk. kl. 14:00, en fyrsta skóflustungan að húsinu var tekin þann 28. janúar 1999. Húsið er teiknað á Teiknistofu Gylfa Guðjónssonar og félaga en Trésmíðaverkstæði Pálmars Einarssonar, Grundarfirði, var verktaki húsbyggingarinnar.
Með nýja húsinu færist öll starfsemi embættisins á Stykkishólmi undir sama þak og aðstaða sýslumanns og lögreglu gjörbreytist. Fjölmiðlum er boðið að taka ljósmyndir við vígsluna.

Í dóms- og kirkjumálaráðuneytinu,
19. október 2000.