Fundur um námskrár í íslensku

Til skólastjóra grunnskóla og skólameistara framhaldsskóla



Fundur um námskrár í íslensku á vegum
Samtaka móðurmálskennara og menntamálaráðuneytisins
Menntamálaráðuneytið og Samtök móðurmálskennara gangast fyrir fundi um námskrár í íslensku 14. nóvember nk. Tilgangur fundarins er að afla upplýsinga um námskrár í íslensku, kosti þeirra og galla og auka umræður um þær. Fjórir fulltrúar Samtaka móðurmálskennara flytja stutt erindi um námskrár fyrir grunn- og framhaldsskóla og auk þess mun Þuríður Jóhannsdóttir gera grein fyrir könnun sem unnin var á vegum Félagsstofnunar HÍ og Rannsóknarstofnunar KHÍ um samanburð á námi, kennslu og námsmati í móðurmáli á Íslandi, Danmörku og Svíþjóð. Þá verða umræður í hópum.

Æskilegt er að fulltrúar sem flestra skóla sjái sér fært að sækja fundinn. Þátttöku ber að tilkynna til Ernu Árnadóttur, menntamálaráðuneytinu, [email protected], eða Eddu Pétursdóttur, Samtökum móðurmálskennara, [email protected], fyrir 12. nóvember nk.
Fundurinn verður haldinn 14. nóvember nk. í Borgartúni 6 og hefst kl 12:30.

12: 30	Kaffi
13:00 - 14:00	Erindi um námskrár, kosti og galla
	Edda Pétursdóttir, Melaskóla
	Svanhildur Kr. Sverrisdóttir, Garðaskóla
	Hrönn Hilmarsdóttir, Borgarholtsskóla
	Kristján Jóhann Jónsson, Menntaskólanum við Sund
14:00 -14:30	Fyrirspurnir og umræður
14:30	Samanburður á námi, kennslu og námsmati í móðurmálinu á Íslandi, Danmörku og Svíþjóð. Þuríður Jóhannsdóttir, KHÍ, gerir grein fyrir nýlegri könnun Félagsvísindastofnunar HÍ og Rannsóknarstofnunar KHÍ
15:10 - 16:00	Umræður í hópum
16:00	Samantekt og fundarlok