Nýr aðstoðarmaður menntamálaráðherra, Borgar Þór Einarsson

Borgar Þór Einarsson hefur verið ráðinn aðstoðarmaður Tómasar Inga Olrich menntamálaráðherra.

Borgar Þór Einarsson hefur verið ráðinn aðstoðarmaður Tómasar Inga Olrich menntamálaráðherra. Borgar Þór er 28 ára gamall og er á lokaári í laganámi við Háskóla Íslands. Hann var formaður Vöku, félags lýðræðissinnaðra stúdenta, 2001-2002 og kosningastjóri Sjálfstæðisflokksins í Norðvesturkjördæmi í nýafstöðnum alþingiskosningum. Borgar Þór hefur verið ritstjóri vefritsins Deiglunnar síðan 1998 og starfað sem blaðamaður á Morgunblaðinu samhliða námi. Borgar Þór er í sambúð með Unni Svövu Jóhannsdóttur, félagsfræðinema, og eiga þau saman þrjú börn.

Menntamálaráðuneytið, 6. júní 2003