NOTE: This article is more than 5 years old.
11 september 2003
/
Utanríkisráðherra lýsir harmi vegna morðsins á utanríkisráðherra Svíþjóðar
Nr. 082
FRÉTTATILKYNNING
frá utanríkisráðuneytinu
Halldór Ásgrímsson, utanríkisráðherra, lýsir harmi vegna morðsins á Önnu Lindh, utanríkisráðherra Svíþjóðar, og vottar fjölskyldu hennar og sænsku þjóðinni samúð. Anna Lindh var mjög hæfur málsvari Svíþjóðar og mikils metin og virt í samstæðum hópi norrænna utanríkisráðherra. Hvers konar glæpsamlegar árásir á lýðræðislega kjörna fulltrúa vegna ábyrgðarstarfa eru atlaga að lýðræðinu sjálfu og því finna Íslendingar til einlægrar samkenndar með Svíum í kjölfar þessa válega atburðar.
Utanríkisráðuneytið
Reykjavík, 11. september 2003.