Undirritun stjórnmálasambands

Stjórnmálasamband við Antígva og Barbúda

Hjálmar W. Hannesson, sendiherra, fastafulltrúi Íslands hjá Sameinuðu þjóðunum, og dr. Patrick Albert Lewis, sendiherra, fastafulltrúi Antígva og Barbúda hjá SÞ, undirrituðu í New York í gær, fimmtudag, samning um stofnun stjórnmálasambands ríkjanna.

Antígva og Barbúda er eyríki í Karíbahafi með liðlega 80 þúsund íbúa. Sykurrækt var lengi helsta atvinnugrein í landinu en hefur vikið fyrir ferðaþjónustu. Eyjarnar eru vinsæll áfangastaður lystiskipa á Karíbahafi. Efnahagur er hinn þriðji besti af Karíbahafsríkjum mælt í þjóðartekjum á íbúa.