Viðbrögð vegna áróðursherferðar gegn neyslu íslenska þorsksins

Samtökin Monteray Bay Aquarium hafa svarað bréfi utanríkisráðuneytisins frá 26.ágúst 2004, þar sem gerð var athugasemd við listun íslenska þorsksins sem fiskjar í útrýmingarhættu á einblöðungi til neytenda í Bandaríkjunum og Kanada og þeir hvattir til að forðast neyslu íslenska þorsksins. Í svarbréfinu kemur fram að samtökin muni taka ákvörðun sína um listun íslenska þorsksins til endurskoðunar í ljósi nýrra og áreiðanlegra upplýsinga um ástand stofnsins og koma þeim upplýsingum á framfæri við neytendur.