Fjármálaráðherra staðfestir samkomulag um kjarasamning við BHM

Fjármálaráðuneytið, fréttatilkynning nr. 4/2005

Fjármálaráðherra hefur staðfest samkomulag við stéttarfélög innan BHM um kjarasamning félaganna, dags. 28. febrúar sl. Öll aðildarfélög BHM sem að samkomulaginu stóðu, utan eitt, samþykktu það, flest með yfirgnæfandi meirihluta.

Við gerð samkomulagsins gerði fjármálaráðherra það að skilyrði fyrir samþykki sínu að allir aðilar að því staðfestu það. Í ljósi þess hagræðis sem af samkomulaginu leiðir, m.a. með gerð samræmdra stofnanasamninga, er það eigi að síður mat ráðherra að rétt sé að staðfesta samkomulagið.

Nánari upplýsingar veitir Gunnar Björnsson, formaður samninganefndar ríkisins í síma 545 9200.

Fjármálaráðuneytinu, 26. apríl 2005