Nýtt vefsetur í Washington

Opnað hefur verið nýtt vefsetur sendiráðs Íslands í Washington D.C. Hlutverk sendiráðsins er að hlúa að og efla tvíhliða samstarf Íslands og Bandaríkjanna á sviði stjórnmála, varnar- og öryggismála, viðskipta, mennta- og menningarmála og hefur vefsetrið að geyma margvíslegar upplýsingar um starf og þjónustu sendiráðsins.

Vefsetur sendiráðs Íslands í Washington D.C. er það sjötta sem opnað er í nýju vefumhverfi sendiskrifstofa Íslands og munu fleiri bætast í hópinn á næstu mánuðum.