Sameiningarkosningar 8. október 2005

Kosið verður um sameiningu eftirtalinna sveitarfélaga samkvæmt tillögum sameiningarnefndar átaks um eflingu sveitarstjórnarstigsins sem skipuð er af félagsmálaráðherra.

Snæfellsnes Grundarfjarðarbær Helgafellssveit Stykkishólmsbær Eyja- og Miklaholtshreppur Snæfellsbær Dalasýsla og Austur-Barðastrandarsýsla Saurbæjarhreppur Dalabyggð Reykhólahreppur Vestur-Barðastrandarsýsla Tálknafjarðarhreppur Vesturbyggð Strandasýsla Árneshreppur Kaldrananeshreppur Broddaneshreppur Hólmavíkurhreppur Strandasýsla og Vestur-Húnavatnssýsla Bæjarhreppur Húnaþing vestra Austur-Húnavatnssýsla Áshreppur Blönduósbær Höfðahreppur Skagabyggð

Skagafjörður Akrahreppur Sveitarfélagið Skagafjörður Eyjafjörður, Ólafsfjörður og Siglufjörður Siglufjarðarkaupstaður Akureyrarkaupstaður Ólafsfjarðarbær Dalvíkurbyggð Arnarneshreppur Eyjafjarðarsveit Hörgárbyggð Svalbarðsstrandarhreppur Grýtubakkahreppur Suður-Þingeyjarsýsla Aðaldælahreppur Tjörneshreppur Kelduneshreppur Skútustaðahreppur Húsavíkurbær Öxarfjarðarhreppur Raufarhafnarhreppur Norður-Þingeyjarsýsla Svalbarðshreppur Þórshafnarhreppur Norður-Múlasýsla Skeggjastaðahreppur Vopnafjarðarhreppur

Austfirðir Fjarðabyggð Mjóafjarðarhreppur Fáskrúðsfjarðarhreppur Austurbyggð Árnessýsla – Ölfus og Flói Sveitarfélagið Árborg Hveragerðisbær Sveitarfélagið Ölfus Gaulverjabæjarhreppur Hraungerðishreppur Villingaholtshreppur Árnessýsla – uppsveitir Bláskógabyggð Hrunamannahreppur Grímsnes- og Grafningshreppur Skeiða- og Gnúpverjahreppur Suðurnes Reykjanesbær Sandgerðisbær Garður Reykjanes Hafnarfjarðarkaupstaður Vatnsleysustrandarhreppur

Utankjörfundaratkvæðagreiðsla hefst laugardaginn 13. ágúst 2005 og er unnt að greiða atkvæði utan kjörfundar hjá sýslumönnum um land allt, sendiráðum, fastanefndum hjá alþjóðastofnunum og ræðismönnum Íslands.

Um atkvæðagreiðsluna og kjörskrá gilda ákvæði laga um kosningar til sveitarstjórna, eftir því sem við á. Atkvæðagreiðslan fer þannig fram að kjósandi stimplar eða ritar á kjörseðil orðið „já“ ef hann er hlynntur tillögu samstarfsnefndar eða „nei“ ef hann er mótfallinn tillögunni.

Almennt um framkvæmd kosningarinnar

Kosningarrétt eiga allir íbúar framangreindra sveitarfélaga sem náð hafa 18 ára aldri þegar kosningin fer fram og uppfylla skilyrði 2. gr. laga um kosningar til sveitarstjórna, nr. 5/1998. Þetta þýðir meðal annars að danskir, finnskir, norskir og sænskir ríkisborgarar sem hafa átt lögheimili hér á landi í þrjú ár samfellt fyrir kjördag, og aðrir erlendir ríkisborgarar sem hafa átt lögheimili hér á landi í fimm ár samfellt fyrir kjördag, mega greiða atkvæði um tillögu sameiningarnefndar. Er þetta í samræmi við breytingu sem gerð var á fyrrgreindum lögum árið 2002.

Unnt er að greiða atkvæði utan kjörfundar hjá sýslumönnum um allt land og á kjörstöðum í viðkomandi sveitarfélögum á kjördag, 8. október. Erlendis fer atkvæðagreiðsla fram á skrifstofu sendiráðs eða fastanefndar hjá alþjóðastofnunum, ræðismönnum eða á öðrum stöðum samkvæmt ákvörðun utanríkisráðuneytis. Atkvæðagreiðsla utan kjörfundar fer þannig fram að þeir kjósendur sem eru hlynntir tillögu samstarfsnefndar um sameiningu viðkomandi sveitarfélaga skrifa „já“ á kjörseðilinn en þeir sem eru mótfallnir sameiningu skrifa „nei“.

Skilyrði er að kjósandi eigi lögheimili í sveitarfélaginu samkvæmt íbúaskrá þjóðskrár þremur vikum fyrir kjördag. Viðkomandi sveitarstjórnir auglýsa nánar staðsetningu kjörstaða og opnunartíma þeirra, svo og hvar talning atkvæða fer fram í hverju sveitarfélagi.

Sveitarfélög á Íslandi eru nú 101 talsins en þau voru 104 í upphafi árs 2004. Nú þegar hafa sameiningartillögur verið samþykktar í 12 sveitarfélögum og munu þær sameiningar taka gildi í kjölfar sveitarstjórnarkosninganna í maí 2006, og verða sveitarfélögin þá 92. Ef allar sameiningartillögurnar sem kosið verður um 8. október næstkomandi hljóta samþykki verða sveitarfélögin 47 í kjölfar sveitarstjórnarkosninganna.

Sjá nánar hér