Fundur með Jaap de Hoop Scheffer framkvæmdastjóra Atlantshafsbandalagsins

Geir H. Haarde forsætisráðherra og Valgerður Sverrisdóttir utanríkisráðherra áttu í dag fund með Jaap de Hoop Scheffer framkvæmdastjóra Atlantshafsbandalagsins í Ráðherrabústaðnum við Tjarnargötu. Á fundinum var rætt um málefni Atlantshafsbandalagsins og undirbúning fyrir leiðtogafund þess, sem haldinn verður í Riga í Lettlandi í nóvember n.k. Einnig var farið yfir stöðu mála í viðræðum Íslands og Bandaríkjanna um varnarsamstarfið.

                                                                                                  Reykjavík, 16. júní 2006