NOTE: This article is more than 5 years old.
22 september 2006
/
Stofnun stjórnmálasambands
FRÉTTATILKYNNING
frá utanríkisráðuneytinu
Nr. 061
Fimmtudaginn 21. september undirrituðu Valgerður Sverrisdóttir, utanríkisráðherra og M. Marcel Ranjeva utanríkisráðherra Madagaskar, yfirlýsingu um stofnun stjórnmálasambands milli ríkjanna. Undirritunin fór fram í kjölfar tvíhliða fundar ráðherranna sem haldinn var samhliða allsherjarþingi Sameinuðu þjóðanna í New York.
Madagaskar er eyja við austurströnd Afríku, rúmlega fimmföld stærð Íslands. Íbúar eru um 17 milljónir. Íbúar lifa m.a. af ferðmannaiðnaði og útflutningi landbúnaðarafurða, s.s. vanillu, kaffi og negul. Olía og gas er að finna á grunnsævi.