Stjórnmálasamband við Svartfjallaland

FRÉTTATILKYNNING
frá utanríkisráðuneytinu

Nr. 063

Þriðjudaginn 26. september undirrituðu Valgerður Sverrisdóttir, utanríkisráðherra, og Miodrag Vlahovic, utanríkisráðherra Svartfjallalands, yfirlýsingu um stofnun stjórnmálasambands milli ríkjanna. Undirritunin fór fram í New York, samhliða allsherjarþingi Sameinuðu þjóðanna.

Eins og kunnugt er samþykktu Svartfellingar í þjóðaratkvæðagreiðslu fyrr á þessu ári tillögu um að segja sig úr ríkjasambandi við Serbíu. Í kjölfarið var ákveðið stofna sjálfstætt ríki. Ísland, fyrst ríkja í heiminum, viðurkenndi fullveldi Svartfjallalands, 8. júní sl. Svartfjallaland gerðist aðili að Sameinuðu þjóðunum 28. júní 2006.