Fastafulltrúi Íslands hjá S.þ. endurkjörinn varaforseti ECOSOC

Hjálmar W. Hannesson, sendiherra og fastafulltrúi Íslands hjá Sameinuðu þjóðunum, var í dag endurkjörinn varaforseti efnahags- og félagsmálaráðs S.þ. (ECOSOC). Fastafulltrúi situr því í stjórnarnefnd ráðsins annað árið í röð. Ísland situr nú í ráðinu tímabilið 2005-2007. Það kom í hlut Austur-Evrópu að velja forseta ráðsins í ár, fastafulltrúa Litháen í New York. Varaforsetarnir eru fjórir, frá Íslandi, fyrir hönd vesturlanda, frá Filippseyjum, fyrir hönd Asíu, frá Alsír, fyrir hönd Afríku og frá Haítí, fyrir hönd rómönsku Ameríku.