Úthlutun úr Þróunarsjóði leikskóla árið 2007

Þróunarsjóður leikskóla starfar samkvæmt reglum nr. 163/2001 sem settar eru á grundvelli 5. gr. laga nr. 78/1994 um leikskóla.

Þróunarsjóður leikskóla starfar samkvæmt reglum nr. 163/2001 sem settar eru á grundvelli 5. gr. laga nr. 78/1994 um leikskóla. Tilgangur sjóðsins er að stuðla að þróunarverkefnum í leikskólum með hliðsjón af aðalnámskrá leikskóla. Með þróunarverkefnum er átt við nýjungar, tilraunir og nýbreytni í leikskólastarfi.

Í janúar sl. var auglýst eftir umsóknum um styrki til þróunarverkefna á tveimur forgangssviðum:

A. Náttúruvísindi í leikskólum með sérstaka áherslu á tengsl við skapandi starf.

B. Hvernig læra leikskólabörn?

Auk þess var auglýst eftir almennum þróunarverkefnum.

Þriggja manna úthlutunarnefnd metur umsóknir og gerir tillögur til menntamálaráðherra um styrkveitingar. Í nefndinni eru fulltrúar frá Kennaraháskóla Íslands, Félagi leikskólakennara og menntamálaráðuneyti.Umsýsla með Þróunarsjóði leikskóla er í höndum ráðuneytisins og SRR (Símenntun, rannsóknir, ráðgjöf).

Undanfarin ár hefur sjóðurinn haft 3 millj. króna til úthlutunar. Í ár var að frumkvæði menntamálaráðherra ákveðið að hækka fjármagn til úthlutunar um helming eða alls 6 millj. króna.

Menntamálaráðherra hefur ákveðið, að tillögu úthlutunarnefndar, að veita styrki til eftirtalinna 17 verkefna skólaárið 2007-2008:

Verkefni	Styrkþegi	Upphæð
Að læra er leikur	Litlulaugaskóli	300.000
Breytt og fjölbreytt tónlistarstarf í leikskólum	Heilsuleikskólinn Urðarhóll	300.000
Dalurinn okkar	Leikskólinn Furugrund	600.000
Ég og leikskólinn minn. Ferlimöppur til að skapa markvistt upplýsingaflæði milli skóla og heimilis	Leikskólinn Sólvellir	300.000
Fimm ára og fær í flestan sjó	Leikskólinn Iðavöllur	500.000
Fjölgreindir í leikskólastarfi	Leikskólinn Núpur	500.000
Fuglaveröld - útrás	Ingibjörg A. Ólafsdóttir	200.000
Hvernig læra leikskólabörn að synda?	Leikskólinn Kjarrið	100.000
Hvernig læra leikskólabörn?	Leikskólinn Hulduheimar	500.000
Mál fyrir alla	Fálkaborg	400.000
Náttúruvísindi er leikur einn	Leikskólinn Hulduberg	250.000
Smíðagaman - smíðakennsla fyrir elstu nemendur leikskóla	Alda Áskelsdóttir	200.000
Stærðfræðin í leik og starfi leikskólans	Félags- og skólaþjónustan Útey	250.000
Umhverfið sem þriðji kennarinn	Fanný K Heimisdóttir	400.000
Uppeldisfræðilegar skráningar, hvernig læra leikskólabörn?	Leikskólinn Fagrabrekka	300.000
Virðing og jákvæð samskipti	Leikskólinn Gefnarborg	400.000
Vísindaleikir II	Kennaraháskóli Íslands	500.000
	Alls:	6.000.000