Umhverfisráðherra ræsti kurlvél Fjölsmiðjunnar

Jónína Bjartmarz umhverfisráðherra ræsti í morgun kurlvél í húsakynnum Fjölsmiðjunnar. Umhverfisráðherra veitti 1.500.000 kr. styrk til kaupa á vélinni í nóvember á liðnu ári. Ætlunin er að auka enn þátttöku Fjölsmiðjunnar í endurnýtingu og með kaupum á vélinni skapast verkefni fyrir a.m.k. sex unglinga.

Vélin er íslensk smíð og verður notuð til að kurla niður bylgjupappa sem nýtist þannig hestamönnum og hænsna- og svínaræktendum.

Fjölsmiðjan er vinnusetur fyrir ungt fólk og þar er því gefið tækifæri til að þjálfa sig fyrir almennan vinnumarkað eða áframhaldandi nám. Nálgast má frekari upplýsingar um Fjölsmiðjuna á heimasíðu hennar.