Mikil aukning útgjalda til menntamála

Úr Vefriti fjármálaráðuneytisins 30. ágúst 2007 - þú getur gerst áskrifandi að vefritinu.

Á milli áranna 1998 og 2007 hafa árleg útgjöld til menntamála aukist um 15 milljarða króna og er þá tekið tillit til verðlagsbreytinga.

Það jafngildir tæplega 70% aukningu. Til samanburðar hafa útgjöld til heilbrigðismála á sama tímabili aukist um 57%. Í töflunni hér að neðan má sjá árleg útgjöld til menntamála á árinu 1998 á verðlagi ársins 2007 samanborið við fjárlög 2007.

Útgjöld til menntamála 1998 og 2007

Flokkur	1998 M.kr.	2007 M.kr.	Breyting M.kr	Breyting %
Háskólastig	9.652	18.854	9.202	95
Almennt framhaldsskólastig	7.828	12.832	5.004	64
Sérskólastig	2.613	3.165	552	21
Námsaðstoð	248	550	301	121
Önnur fræðslumál	1.598	1.588	-10	-1
Útgjöld alls	21.939	36.988	15.049	69

Samkvæmt fjárlögum 2007 eru útgjöld til menntamála samtals 37 milljarðar króna, sem eru 10,1% af heildarútgjöldum ríkissjóðs. Í krónum talið hafa útgjöldin aukist mest á háskólastigi eða um 9,2 milljarða króna sem jafngildir 95% aukningu. Hlutfallslega hafa hins vegar útgjöld til námsaðstoðar hækkað mest eða um 121%. Helstu skýringar á hækkunum útgjalda til menntamála er aukið námsframboð og nemendafjölgun.