Reglugerðardrög um sveigjanlega notkun loftrýmis

Samin hafa verið drög að nýrri reglugerð sem fjallar um sveigjanlega notkun loftrýmisins. Samgönguráðuneytið býður þeim sem óska að senda ábendingar og athugasemdir í síðasta lagi fyrir 18. október á netfang ráðuneytisins.

Reglugerðardrögin gera ráð fyrir því að loftrými verði ekki framvegis skipt milli borgaralegs flugs og herflugs. Drögin gera því ráð fyrir að svæði í loftrýminu verði ekki lengur annað hvort ætluð herflugi eða borgaralegu flugi heldur skuli litið á loftrýmið sem eina heild þar sem koma skal til móts við kröfur allra notenda loftrýmisins að því marki sem það er mögulegt. Reglugerðardrögin byggjast á reglugerð framkvæmdastjórnar Evrópusambandsins nr. 2150/2005 og innleiðir hana í viðauka sínum sem einnig fylgir hér.

Eins og fyrr segir er umsagnafrestur til 18. október næstkomandi og skal senda umsagnir á netfang samgönguráðuneytisins, [email protected]

Reglugerðardrögin er að finna hér.