Sjúkraflugvél staðsett á Ísafirði

Heilbrigðis- og tryggingamálaráðherra hefur ákveðið að sjúkraflugvél verði staðsett á Ísafirði vetrarmánuðina. Guðlaugur Þór Þórðarson, hefur falið embættismönnum ráðuneytisins að gera viðbótarsamning við flugrekandann sem sinnir sjúkraflugi á svæðinu vegna þessa. Ráðuneytið hefur þegar haft samband við forsvarsmenn Mýflugs og eru vonir bundnar við að sjúkraflugvélin verði staðsett á Ísafjarðarflugvelli um miðjan mánuðinn.